Top News - Hesapet e vrasësve me pagesë/ Sa kushton një atentat me armë, ose tritol

Atentati ndaj 49 vjeçarit Marion Mitro në Vlorë riktheu në vëmendjen e publikut një dosje që bëri jo pak bujë disa vite më parë, kur u zbërthye një bandë e tritolvënësve me pagesë. Banda u bë e njohur prej faktit se Julian Sinanaj, si anëtar i saj vendosi të bëhet dëshmitar i Drejtësisë. Ai pranoi në atë kohë autorësinë e disa vrasjeve përkundrejt pagesës dhe porosive që merrte nga persona të ndryshëm. Mitro ka qenë pjesë e dosjes së “tritolit” të Julian Sinanit. Rreth një vit më parë ai ka dalë nga burgu. Pjesa e kësaj dosje ka qenë edhe Erjon Mëhillaj, i cili vrau veten në burg. Në fakt, shqiptarët ka kohë që përfliten për këtë fenomen. Kohë më parë, Prokuroria e Antimafies Italiane në momentin që kanë folur dhe me zyrtarë të Prokurorisë së Përgjithshme dhe të Krimeve të Rënda kanë referuar se shqiptarë në Itali janë pjesë e bandave famëkeqe dhe të rekrutuar si vrasës me pagesë. Por sa janë sot çmimet për një vrasje? Pra, sa paguhet një vrasës për të plotësuar kërkesën e klientit të tij? Nga 50 mijë deri më 1 milionë euro variojnë çmimet e vrasjeve në Ballkan. Specialistët e kriminalistikës në rajon, në bazë të studimeve kanë pohuar se vrasjet me pagesë me pritë shkojnë me 50 mijë euro. Kosto rritet për ato me eksploziv, atentate me snajper dhe deri te ato të politikanëve. Kostoja për të tilla raste shkon deri në 1 milion euro. Burime nga policia e shtetit thonë se vitet e fundit vrasjet me pagesë janë të shpeshta. Skema mbetet e thjeshtë dhe nuk ndryshon shumë në vendet e ndryshme të Ballkanit. Ajo ka të bëjë kryesisht me vrasje biznesmenësh, hakmarrje, konflikte etj. Në këto raste zgjidhet njeriu me pagesë, që zakonisht gjendet nga grupet e vogla kriminale. Ndodh si në kanun. Gjërat janë gati të precizuara. Plagosja në formë kërcënimi shkon 25.000 euro, ndërsa vrasja 150.000 euro. Ka vrasje që shkojnë 30 deri në 50.000 euro - thonë ekspertë të Policisë, teksa shtojnë se është përforcuar edhe teknika e zbulimit të këtyre krimeve, me hyrjen në fuqi të ligjit për dëshmitarët e mbrojtur, ose ndryshe autorët e penduar të krimeve. Nga vrasës të paguar e kanë pësuar edhe oficerë të lartë të Policisë. Një prej tyre komisar Artan Cuku, ish-drejtor policie në Vlorë. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Hesapet#AtentatTopChannel