Постројување ДПД пред Стојанче Ангелов, Директор на ДЗС и Командант на Силите за заштита и спасување

НЕМОНТИРАНА ОРИГИНАЛНА ВИДЕОСНИМКА ЗА КОРИСТЕЊЕ - ЗА МЕДИУМИ Постројување на доброволните пожарникари од сите активни Доброволни противпожарни друштва од Македонија пред Директорот на ДЗС и Командант на Силите за заштита и спасување, Стојанче Ангелов - на пистата во касарната „Гоце Делчев“ во Општина Аеродром, Скопје. Дел од говорот на Ангелов: Почитувани припадници на доброволните противпожарни друштва, Почитувани припадници на Тимовите за брз одговор на Дирекцијата за заштита и спасување, Почитувани вработени во Дирекцијата за заштита и спасување, Денес, за прв пат во нашата противпожарна историја, обединети, на едно место, под една команда, сте построени безмалку сите доброволни пожарникари од сите активни Доброволни противпожарни друштва од Македонија. На ова постројување претходеа серија состаноци со претставници на најактивните Доброволни противпожарни друштва, на кои ги разгледавме постоечките слабости во доброволното пожарникарство но и можните решенија за нивно надминување. Целта на денешното постројување е повеќенаменска. Да покажеме дека ве има! Да покажеме колку ве има! Да покажеме дека за прв пат, сите вие, припадници на Доброволните противпожарни друштва од Македонија, сте обединети или имате можност да се обединете под една заедничка команда и организирано да се вклучите во Националниот систем за гаснење на летните пожари на отворен простор преку Тимовите за брз одговор на Дирекцијата за заштита и спасување! Обединувањето ја прави силата! Вие денес го покажавте токму тоа! Овде пред мене, построени, молчешкум стојат, повеќе од 250 доброволни пожарникари од: ДПД Кобри Злеово 15 ДПД Василево 15 ДПД Кочани 19 ДПД Дојран 5 ДПД Св. Николе 15 ДПД Штип 24 ДПД „Св. Спас“ Гевгелија 8 ДПД Повардарец Неготино 5 ДПД „Полог“ Тетово 5 ДПД Виница 10 ДПД Струмица 32 ДПД Конче 2 ДПД Бајрам М. – Чаир 6 ДПД Пехчево 10 ДПД Зрновци 8 ДПД Ново Село 7 ДПД Архангел – Битола 24 ДПД Бабуна 8 ДПД Баргала – Карбинци 8 ТБО Струмица 30 ДПД Валандово Вкупно 256 доброволни пожарникари Почитувани припадници на ДПД, Од денес па натаму, јавноста уште појасно ќе знае дека вие сте сериозна и респектабилна сила! И длабоко сум убеден дека сите заедно ќе добиеме уште поголема јавна благодарност и подршка! Од денес па натаму, и луѓето од македонската бизнис заедница но и од македонската дијаспора, ќе знаат дека вие сте сериозна и респектабилна сила! И верувам дека некои од нив, со чувство на одговорност кон татковината, ќе помогнат за ваше опремување или доопремување со различни видови на противпожарна опрема! Но не само јавноста! Од денес и сите релевантни државни авторитети почнувајки од Претседателката и Премиерот, пратениците во Собранието и министрите во Владата, но и сите останати институции поврзани во Системот за гаснење на пожари, ќе знаат дека вие сте сериозна и респектабилна сила на која треба да и се отворат вратите од државните ресурси! Заради поголем заеднички успех, при справувањето со летните пожари, како командант на Силите за заштита и спасување, моето барање кон вас е едноставно и јасно. Барам, секој ден однапред, да најавите со име и презиме барем 120 доброволни пожарникари кои во случај на потреба, ќе бидат подготвени за ангажман преку Тимовите на ДЗС следниот ден. Наместо ангажман на припадниците на Полицијата и Армијата, да бидете ангажирани вие, доброволните пожарникари преку Тимовите на ДЗС. Но, иако овде сте повеќе од 250 треба да имате во предвид дека на дневна основа многумина од вас поради објективни и субјективни причини нема да можат да излезат на терен. Некој ќе биде на одмор, друг на работно место од кое не може да се ослободи, трет ќе биде болен, четврт ќе биде на некоја слава, итн... Затоа, за да ја постигнеме оваа цел, потребно е во следниот период, сите доброволни пожарникари од ДПД кои не се припадници на Тимовите на ДЗС а имаат желба да ни се приклучат, да дојдат во ДЗС и да склучат договор. Вработените во Секторот за оператива на ДЗС кои стојат околу мене ќе ви дадат конкретни информации каде и како да ги потпишете овие договори.