200 kVt limit qayerdan keldi? | Nigoh

Bugungi kunda energiya xavfsizligi va iqlim o'zgarishlari butun dunyoni yashil iqtisodiyotga o'tishga undamoqda. O'zbekiston ham bu borada Markaziy Osiyoda yetakchi qadamlarni tashlamoqda ! "Nigoh" loyihasining ushbu sonida energetika sohasidagi eng dolzarb islohotlar, yangi tariflar va raqamlashtirish jarayonlari tahlil qilinadi . Dasturimiz mehmonlari: "O'zbekiston Milliy elektr tarmoqlari" AJ vakili Ulug'bek O'rinov hamda Energetika vazirligi mutaxassisi Zilolaxon Ergashova. Videolavhadan quyidagi muhim va qiziqarli ma'lumotlar o'rin olgan: Kelajakda quriladigan yangi turar-joylarda gaz ta'minoti bo'lmasligi ehtimoli bor, chunki yashil energiya salmog'i 54% ga yetkazilishi rejalashtirilgan. Barcha ehtiyojlar uchun quyosh panellari, issiqlik nasoslari va avtonom elektr tizimlaridan foydalaniladigan eko-uylar ommalashadi. Nima uchun elektr energiyasi toifalangan tariflarga o'tdi? Bunga qadar davlat byudjetidan har bir kilovatt uchun 605 so'm subsidiya to'langan va bundan ko'p energiya sarflaydigan badavlat xonadonlar (masalan, hovuzini isitadiganlar) ko'proq foyda ko'rgan. Endilikda iste'molchilarning 63.2% qismini tashkil etuvchi tejamkor xonadonlar (200 kVt gacha) 650 so'mdan, ko'p sarflaydiganlar (5000 kVt dan ziyod) esa 1900 so'mdan to'laydi. 2022-yil 25-yanvardagi kabi yirik avariyalarning (blackout) oldini olish uchun SCADA loyihasi joriy etilmoqda. Bu inson omilisiz tizimni avtomatik boshqaradi va Markaziy Osiyo energiya halqasi orqali qo'shni davlatlar bilan bir-birini rostlab boradi. Toshkent shahri Yakkasaroy tumanida 4.8 gektar joyni egallagan eski ochiq taqsimlash qurilmasi o'rniga atigi 0.7 gektarni band qiladigan yopiq elegazli qurilma o'rnatildi. Uning quvvati ikki barobarga oshdi va xizmat ko'rsatuvchi xodimlar soni 54 nafardan 7 nafarga qisqardi. Shuningdek, Zafarobod tumanida ilk raqamli nimstansiya ishga tushirildi. Hozirgi kunda elektr o'chishlari qarzni yopish uchun ataylab qilinmaydi. Bunga asosan kuchli shamol, qisqa tutashuvlar hamda avtomobillarning tarmoq ustunlariga urilishi kabi avariyaviy hodisalar sabab bo'lmoqda. Energiya tejamkorligi qoidalariga rioya qilish har birimizning iqtisodiy va ekologik mas'uliyatimizdir. 🔔 Kanalimizga obuna bo'lishni va yangi videolarni o'tkazib yubormaslik uchun qo'ng'iroqcha tugmasini bosib qo'yishni unutmang! Telegram: https://t.me/nurafshontvrasmiy Instagram:   / nurafshontv.  . Facebook: https://www.facebook.com/profile.php?...