Մեզի ընդհանուր հետազոտություն՝ ճապոնական SYSMEX UN շարքի միզային կայանի միջոցով

«Սլավմեդ բժշկական կենտրոն»-ի ախտորոշիչ լաբորատորիան հագեցած է ժամանակակից բժշկության մեջ համաշխարհային ճանաչում ունեցող գերժամանակակից, ամբողջությամբ ավտոմատացված սարքավորումներով, որոնք հնարավորություն են տալիս իրականացնել լայնածավալ հետազոտություններ, իսկ որակի բազմաստիճան հսկողությունն օգնում է պահպանել այդ հետազոտությունների խստապահանջ չափորոշիչները։ Լաբորատոր ծառայության ղեկավար Անաիդա Մադոյանի խոսքով՝ կենտրոնում մեզի ընդհանուր հետազոտությունն իրականացվում է ճապոնական SYSMEX UN շարքի միզային կայանի միջոցով։ Այն աշխատում է մոդուլային սկզբունքով և ապահովում է մեզի համապարփակ, բազմակողմանի հետազոտություն՝ լիովին ավտոմատ ռեժիմով․ գործընթացը իրականացվում է առանց ընդմիջման՝ սկսած կենսանմուշի բեռնումից և տվյալների մուտքագրումից մինչև դրա թվային միկրոսկոպիկ վերլուծությունը։