#152 - Bjarni Ármannsson

Bjarni Ármanns er tölvunarfræðingur að mennt og starfar sem fjárfestir í dag. Hann rekur æskuárin á Akranesi þar sem hann fékk heilahimnubólgu og dró sig í hlé frá félagslífi og fótbolta en lærði í staðinn útsaum og las bókmenntir ásamt því að taka þátt í störfum á sveitabænum og sækja sjóinn. Í örlagaríkri útskriftarferð nokkrum árum seinna sást til Bjarna prútta á götumörkuðum í Tælandi sem varð til þess að honum var boðin staða í bankageiranum en hann vann sig hratt upp á þeim vígvelli og var orðinn bankastjóri Íslandsbanka fyrir þrítugt.  Við köfum í þennan persónulega og þjóðfélagslega uppgang sem átti sér stað á þessum tíma en Bjarni gerir vel grein fyrir aðstæðum sem Íslendingar bjuggu við í stöðnunarhagkerfinu hér á árum áður. Bjarni á sér viðburðarríkt líf utan vinnu en hann er fjögurra barna faðir, hefur m.a. klifið Everest, hlaupið maraþon undir þremur tímum margsinnis (54 ára!) og klifið 100 hæstu tinda Íslands ásamt 7 hæstu tindum hverrar heimsálfu.