हिरकणी Song|Tales of Shivaji Maharaj & Hirkani's Bravery | Marathi Goshti Song | BhaktiShakti

A Brave And An Amazing Mother - Hirkani | Animation Story Song | मराठी movie | BhaktiShakti Hirkani song lyrics ती हिरकणी, ती माय माऊली, धैर्याचा ग कडा, सह्याद्रीच्या उरात उमटला, मायेचा हा लढा ती हिरकणी, ती माय माऊली, धैर्याचा ग कडा, सह्याद्रीच्या उरात उमटला, मायेचा हा लढा सह्याद्रीच्या उंच शिपेवर, रायगड विराजला सूर्यानेही मावळताना, शेंदरी टिळा लावला कडाडली ती महाद्वारे अन्, साखळदंडही रुतले कडी शिव-शासन हे अढळ जाहले, स्तब्ध जाहली सांज-घडी काळ्या काळोखाने,रायगड हा गोठला… वाकुसऱ्याची साधी पोर ती, नाव तिचे गं हिरा प्राण तिथल्या पाळण्यात अन्, मनी दुधाचा झरा दारापाशी आली धावत, विनवी द्वारपालाला "बाळ तान्हे वाट पाहे, जाऊ द्या की घराला" दगडालाही नसे पाझर, नियम तिथे तो जागला… अंधाराचे भय कसले , जिथे ओढ ही मायेची ? मनामध्ये मूर्ती नाचली, तान्हुल्याच्या हसण्याची वारा शहारला, पाने थरथरली, कडाही थोडा कापला मनामध्ये त्या मातेने मग, नवा मार्ग हा जपला भय न उरले प्राणांचेही, काळोखाला भिडला टोकदार ते दगड-गोटे, टोचती अंगा काटे रक्त ओघळे देहावरुनी, तरी न माघारी परते खोल दरीचा जबडा खाली, वरती आकाशाचा भास श्वास रोखूनी उतरे खाली, मनी मायेचा ध्यास दगडालाही घाम फुटला, पाहून तिचा अग्निप्रवास… काळ्याकुट्ट रात्रीमधूनी, प्रकाश घराचा गवसला उंबरठ्यावर पाय टाकता, टाहो बाळाचा शमला जखम विरली, वेदना सरली, कुशीत घेतले तान्हुल्याला मातृत्वाच्या ओलाव्याने, देह पुन्हा हा निथळला स्वर्गाचे हे सुख लाभले, आनंद गगनी मावेनासा झाला… वृत्त ऐकता राजे थक्क, नयनी दाटला गहिवर "धन्य तुझी ही माया माते, धन्य तुझा हा निर्धार!" साडी-चोळी अर्पून तिजला, सन्मान राजाने केला कड्यावर ज्या पाऊल पडले, त्यास 'हिरकणी' नाव इतिहासाच्या पानावरील, सन्मान नवा हा कोरला… आजही त्या गडावरती, वारे गाते तिची गाणी दगडांतूनही झिरपत येते, मायेची ही अमृतवाणी बुुरुज नव्हे तो साक्ष उभी, आईच्या महान प्रेमाची जाणीव करून देई जगाला, शक्ती काय ही मायेची हिरकणीच्या रूपाने , जणू मशाल ही शौर्याची… ती हिरकणी, ती माय माऊली, धैर्याचा ग कडा, सह्याद्रीच्या उरात उमटला, मायेचा हा लढा ती हिरकणी, ती माय माऊली, धैर्याचा ग कडा, सह्याद्रीच्या उरात उमटला, मायेचा हा लढा #Hirkani #JanataRaja #RajaShivChhatrapati