IBADA YA JUMAPILI 07.06.2026 SIKU YA UDIAKONIA

UJUMBE: Kumtengemea Mungu ni Maandalizi ya Maisha Yajayo UBADA YA JUMAPILI 07.06.2026 SIKU YA UDIAKONIA SOMO; NA MDIAKONIA GODFREY MBOWE; Yakobo 1:26-27 Mtu akidhani ya kuwa anayo dini, wala hauzuii ulimi wake kwa hatamu, hali akijidanganya moyo wake, dini yake mtu huyo haifai. Dini iliyo safi, isiyo na taka mbele za Mungu Baba ni hii, Kwenda kuwatazama yatima na wajane katika dhiki yao, na kujilinda na dunia pasipo mawaa. Mkazo. Kanisa ni mkono wa Mungu hapa Duniani kuwafikia watu wake kupitia mimi na wewe kwa kile Mungu alicho kubariki. Huduma hii ya matendo, inamgusa Mungu Isaya 1:16-17 Jiosheni, jitakaseni; ondoeni uovu wa matendo yenu usiwe mbele za macho yangu; acheni kutenda mabaya; jifunzeni kutenda mema; takeni hukumu na haki; wasaidieni walioonewa; mpatieni yatima haki yake; mteteeni mjane. Kumbukumbu la Torati 12:18 Lakini hivyo mtakula mbele za Bwana, Mungu wako, mahali atakapochagua Bwana, Mungu wako, wewe, na mwanao mume na mke, na mtumwa wako mume na mke, na Mlawi aliye ndani ya malango yako; nawe furahi mbele za Bwana, Mungu wako, katika yote utakayotia mkono wako. Yatima walio kati kati yenu, watakapokula na kushiba mikononi mwako, ndipo Mungu atakubariki. Kumbukumbu la Torati 15:7-8 Kama akiwapo mtu maskini pamoja nawe, nduguzo mmojawapo, ndani ya malango yako mojawapo, katika nchi yako akupayo Bwana, Mungu wako, usifanye moyo wako kuwa mgumu, wala usimfumbie mkono wako nduguyo maskini; lakini mfumbulie mkono wako kwa kweli, umkopeshe kwa kweli yatoshayo haja yake katika ahitajiayo. Mungu anajua kuna wahitaji kati kati yetu, na ndio maana amekuweka kati kati yao ili wale, wanywe na washibe mikononi mwako. Kuna waliobeba roho ya kukausha uchumi, mafanikio yako, hakikisha Mungu amekuruhusu kutoa sadaka yako mahali unapotoa. Kumbukumbu la Torati 26:12-13, 15 Utakapokwisha kutoa zaka, katika zaka zote za maongeo yako mwaka wa tatu, ambao ndio mwaka wa kutolea zaka, umpe zile zaka Mlawi, na mgeni, na yatima, na mjane, wapate kula ndani ya malango yako na kushiba; nawe sema mbele ya Bwana, Mungu wako, Vitu vilivyo vitakatifu nimeviondoa katika nyumba yangu, nami mimewapa Mlawi, na mgeni, na yatima, na mjane, kwa mfano wa maagizo yako uliyoniusia yote; sikukosa maagizo yako yo yote, wala sikuyasahau; Uangalie kutoka makazi yako matakatifu mbinguni, uwabarikie watu wako Israeli, na nchi uliyotupa kama ulivyowaapia baba zetu, nchi imiminikayo maziwa na asali. Ndugu mpendwa, kumbuka, Ukianza kutoa sadaka yako mbele za Bwana, mkumbushe Mungu haja ya moyo wako. Sadaka yako inaweza kufungua kufungua malango yako yaliyofungwa. Sema kwa Mungu kile unachotaka Mungu akutendee. Mithali 3:16 Ana wingi wa siku katika mkono wake wa kuume, Utajiri na heshima katika mkono wake wa kushoto. Mpendwa mtu wa Mungu! Kumbuka Kuna utajiri na heshima kwenye sadaka yako. Ayubu 29:13 Baraka yake yeye aliyekuwa karibu na kupotea ilinijia; Nikaufanya moyo wa mjane kuimba kwa furaha. Mungu akikupa Neema, basi fanya kwa UAMINIFU. utakapofanya, Mungu hatakuacha ktk kazi zako na familia yako. Mungu atujalie na kutuwezesha kufanya kwa UAMINIFU. Mungu alibariki neno lake. Amina. Uwe na jumapili njema mtu wa Mungu.