भ्रष्टाचार नियन्त्रणको ठोस कदम नचालिएमा Gorkhaland को आवाज पहाडभर गुञ्जिने चेतावनी: GJMM अध्यक्ष

“‘कोही पनि उम्किने छैन’: भ्रष्टाचारको आरोपलाई लिएर बिमल गुरुङको GTA र नगरपालिकामाथि कडा प्रहार”। मिरिक / दार्जिलिङ पहाड: एउटा पत्रकार सम्मेलनलाई सम्बोधन गर्दै गोर्खा जनमुक्ति मोर्चाका सुप्रिमो बिमल गुरुङले, गोर्खाल्याण्ड टेरिटोरियल एडमिनिस्ट्रेशन (GTA), निर्वाचित प्रतिनिधिहरू तथा दार्जिलिङ पहाडका प्रशासनिक निकायहरूभित्र भइरहेको कथित भ्रष्टाचारमाथि कडा प्रहार गरेका छन्। सञ्चारकर्मीहरूसँग कुरा गर्दै गुरुङले विगत केही वर्षयता विभिन्न सरकारी योजनाहरूमा व्यापक भ्रष्टाचार भएको आरोप लगाए। उनले विशेषगरी जल जीवन मिशन, हर घर जल, गोर्खा टेरिटोरियल एडमिनिस्ट्रेशनका परियोजनाहरू, तथा प्रधानमन्त्री ग्राम सडक योजना (PMGSY) जस्ता योजनाहरूको नाम उल्लेख गर्दै अनियमितता भएको दाबी गरे। साथै, नगरपालिकाहरू तथा पहाडका विभिन्न प्रशासनिक विभागहरूमा समेत भ्रष्टाचार फैलिएको आरोप लगाए। गुरुङले सम्माननीय पश्चिम बङ्गालको मुख्यमन्त्रीको निर्देशनमा भ्रष्टाचारसम्बन्धी विषयहरूको छानबिन गर्न उच्चस्तरीय समिति गठन भइसकेको दाबी गर्दै पछिल्ला केही दिनदेखि भ्रष्टाचारविरुद्ध जाँच तथा अनुसन्धान कार्य अघि बढिसकेको बताए। भ्रष्टाचारमा संलग्न जो कोहीलाई पनि “नछोडिने” चेतावनी उनले दिए। हालै मिरिकमा उठाइएको गोर्खाल्याण्डको नारालाई उल्लेख गर्दै गुरुङले पहाडमा व्यापक भ्रष्टाचार र जनताको आवाज दबाइएमा छुट्टै राज्यको माग पुनः चर्किन सक्ने टिप्पणी गरे। भ्रष्टाचार नियन्त्रण तथा जनगुनासो सम्बोधनका लागि ठोस कदम नचालिएमा गोर्खाल्याण्डको आवाज फेरि पहाडभर गुञ्जिने चेतावनी समेत उनले दिए।।। #GJMM #BimalGurung #highlightseveryone #unflowers