COLE PEÑA TÚ LLANES - PERICOTE PEÑA TÚ II (Videu Oficial)

Esti videu PERICOTE PEÑA TU II forma parte del PROYECTU EDUCATIVU DE MÚSICA TRADICIONAL que foi desenvueltu a lo llargo d'esti cursu 2025-26 y qu'amuesa como PRODUCTU FINAL el SINGLE PERICOTE y DOS VIDEOS COMPLEMENTARIOS. Dempués de la Publicación del single Pericote Peña Tu y d'un primer videu el pasáu 4 de xunu, agora toca un segundu video que complementa l'anterior y trata de dar visibilidá xeneral a tol proyectu. L'ésitu de la primer presentación d'esti trabayu pon en relieve la gran importancia y el valor de l'aplicación al ámbitu educativu del conceutu de la identidá cultural de los pueblos. El Pericote Peña Tú, una pieza musical frutu del trabayu desendolcáu nel área d’Educación Artística, concretamente na asignatura de Música. Esti proyeutu ta dirixíu y producíu por Vítor Carbajal. El desarrollu de tol procesu d’enseñanza-aprendizax enfotóse a tola etapa d’Educación Primaria de manes de Carlos José de la Fuente y el propiu Carbajal, dambos maestros d’Educación Musical nel Colexu Públicu Peña Tú. Xunióse-yosdarréu Ángela Meana. Al traviés d’esti proyeutu, l’alumnáu d’Educación Primaria averóse y deprendió la música tradicional del Oriente d’Asturies y del nuestru conceyu de Llanes, partiendo d’un tema tan sonáu pa esta fastera como ye “El Pericote”. Nel segundu trimestre d’esti cursu 2025-26 desendolcose la presentación, análisis y aprendizax del emblemáticu tema y foi nes primeres selmanes del mes de mayu cuando tol alumnáu de Primaria participó nun procesu de grabación por pistes nel estudiu de la Escuela de Música Tradicional y la Banda Gaites Llacín de la que tamién ye direutor Vítor Carbajal. El resultáu final xune dos llínies interpretatives: la versión más instrumental del Pericote, cola base de gaita y tambor, y la versión cantada acompañada de percusión tradicional —pandereta, panderu y tambor. Too ello baxo una llínia conceptual d’instrumentación escolar dando como resultáu una versión emocionante na que rescampla la instrumentación y les voces blanques de tol alumnáu d’Educación Primaria del Cole Peña Tú. Esti proyeutu enmárcase nuna de les llínies metodolóxiques propuestes pola LOMLOE: l’Aprendizax Basáu en Proyeutos (ABP). Dende esta perspeutiva, l’alumnáu abordó l’estudiu de la música tradicional magar los saberes básicos establecíos pal área d’Educación Artística. Nun entamu, trabayáronse los elementos del llinguax musical imprescindibles pa la interpretación y comprensión de la obra seleccionada. Darréu, l’alumnáu participó de forma activa nes distintes fases del procesu de producción musical nel Estudiu: grabación multipista, edición, mezcla y masterización, asina como na publicación del resultáu final. Nesti procesu identificáronse y experimentáronse losestremaos roles profesionales asociaos a la industria musical, favoreciendo una comprensión funcional y contextualizada de los conteníos curriculares que foron bien adaptaosa caún de los niveles de la Etapa d’Educación Primaria. Nel apartáu téunicu contautamos con Sergio Rodríguez y Olaya Llucía Díaz d’Estudios Tutu, quienes s’encargaron de la grabación, mezcla y masterización. Xunto con ellos trabayaron tamién Dani Álvarez y Kai Martínez, esti últimu encargóse de la toma d’imáxenes durante’l procesu de grabación, dando como resultáu un “single” del Pericote Peña Tú que cuenta con una pista d’audiu y otra a nivel audiovisual que podemos sentir en distintes plataformes de reproducción dixital como Spotify o Youtube. Pa too ello cuntamos col apoyude tola Comunidá Educativa, families, alumnáu, Equipu Direutivu, profesoráu, AMPA y el propiu Ayuntamientu de Llanes al traviés de la Conceyalía Cultura y Casa Cultura, collaborando activamente nesti apueste pola música de raigañu del nuestru conceyu. Dende’l planu musical hai que destacar el sofitu de les Escueles de Música Clásica y tradicional, asina como a la Bandina y Banda Gaites Llacín pol apoyu téunicu e instrumental. Tamién hai que destacar la collaboración de los tres Bandos de Llanes pal trabayu d’adaptación a una versión musical que xune les estremaes llínies interpretatives nuna llínia especial adaptada a les voces blanques infantiles de la Villa. El resultáu del mesmu pue reproducise nes distintes plataformes dixitales, a la vez que tamién van colócase enllaces QR en pequeños carteles sitiaos en puntos clave de la Villa como muestra d’ún de los principales símbolos d’identidá de Llanes, que sigui vivu nos más pequeños. 📢 MÚSICA ASTURIANA en Spotify: http://bit.ly/PlaylistsMusicaAsturiana 📌 SUSCRÍBITE en YouTube: http://bit.ly/CanalMusicasturiana 📢 Más Música Asturiana en Spotify: http://bit.ly/PlaylistsMusicaAsturiana 💙💛 SÍGUINOS EN: http://www.musicasturiana.com   / musicasturiana     / musicasturiana     / musicasturiana   https://open.spotify.com/user/musicas...