Roland Çenko merr titullin “Nderi i Qarkut Gjirokastër”

Në 118-vjetorin e Luftës së Mashkullorës pata nderin të vlerësohem me titullin “Nderi i Qarkut Gjirokastër”, akorduar nga Këshilli i Qarkut Gjirokastër. Dua të shpreh mirënjohjen time të thellë për Këshillin e Qarkut, Kryetarin e Këshillit z. Dino Selimi, Kryetarin e Bashkisë Gjirokastër z. Flamur Golemi, Prefektin e Qarkut Gjirokastër z. Odise Kote, si edhe të gjithë të pranishmit që ndanë me mua këtë moment të veçantë. Marrja e këtij titulli në fshatin Mashkullorë, si nip i këtij fshati me histori të lavdishme, ku lindi nëna ime, mbesë e luftëtarit dhe trimit Zeman Mashkullora, bashkëluftëtar i Çerçiz Topullit, e bën këtë vlerësim edhe më domethënës për mua. Ky nderim më mbush me krenari dhe më motivon të vazhdoj misionin tim për ruajtjen dhe përcjelljen e traditës së këngës gjirokastrite dhe të iso-polifonisë shqiptare. Për 50 vjet me radhë kam punuar pa u ndalur që kjo pasuri e çmuar të mos humbasë, por të trashëgohet me dashuri dhe dinjitet nga brezat e rinj. Faleminderit nga zemra! 🙏 (18.03.2024) Roland Çenko✔️