Pia Cayetano, binanatan si NBI Director Matibag

Kinuwestiyon ni Senator Pia Cayetano ang intensyon ni National Bureau of Investigation (NBI) Director Melvin Matibag matapos niyang ianunsyo ang imbestigasyon sa 2019 SEA Games, kung saan dawit umano si Senator Alan Peter Cayetano. “He is distracting us from our job. As Senator Alan said, he could do it quietly. Go ahead! Anong purpose niya? Nagyayabang siya? Is he trying to intimidate us not to ask him tough questions when he’s our resource person next week?” saad niya sa impeachment trial nitong Miyerkules, July 15, 2026. Tinanong din ng senador kung ito ba ay isang pananakot at paninidak sa kanila. Ang 2019 SEA Games ay inorganisa ng Philippine Southeast Asian Games Organizing Committee sa pamumuno ni Alan Peter. “Hindi tayo sensitive, sanay tayo dito. Pero alam din natin kung pinapatamaan tayo diba, alam natin ‘yun. Hindi tayo tanga,” dagdag niya.