ملګري ملتونه وايي، د افغانستان هوا سختو حالتونو وچکالۍ او ناڅاپي سېلابونه ویجاړۍ پېښوي - بي بي سي

نن د جون ۵ مه، د چاپېريال نړیوال ورځ ده. ملګري ملتونه وايي د افغانستان لروبرو پرګنې او وګړي، د هوا او چاپېريال سختېدونکو ننګونو سره لاس او ګرېوان دي، او په وینا یې د دوی د ژوند پر چارو، د خوړو خوندیتابه، ثبات او ارامۍ اغېز کوي. ملګرو ملتونو د چاپېريال نړيوالې ورځې پر مهال ويلي، افغانستان کې وچکالي، او د اوبو کموالی يو تر ټولو پراخ خپور ګواښ جوړوي. له نيمو زیات وګړي، يې وايي، د اوږدمهاله وچو موسمونو له امله اغېزمن شوي، دا حالت دوی وايي پر کرنې او بڼوالۍ سختې اغېزې پرېږدي، چې دغه هېواد کې د ژوند چارو ملا تير بلل کېږي.. ملګري ملتونه وايي د دغه حالت پايلې پراخې دي او يو بيړنی حالت یې ټوکولی دی. کرنیز حاصلات په کمېدو دي، د څښاک پاکو اوبو ته لاسرسی سختېږي، او کورنۍ د اوبو په له لټه له خپلو مېنو بې ځايه کېږي. کارپوهان دوی وايي خبرداری ورکوي، چې له سملاسي ګام پرته، د دغې سیمې ځینې برخې ښايي د اوسېدو له وړتيا ووځي. خو ملګری ملتونه وايي حل لارې هم شته، چې له د اوبخور له سپما سيسټم نیولې، د اوبو تر ښې ادارې او ریچارج او يا بيا سمبالونې سيسټمونو پورې لارې چارې بايد په چټک او همغږي ډول پلي شي. ملګری ملتونه وايي د هوا سختو حالتونو کې د افغانستان مرکزی او ختيځو ولايتونو کې سېلابونه پرله پسې او نااټکله ډول پېښېږي. دا خپرونه امان الله عطا وړاندې کوي. #BBCPashto #BBCPashtoTV #BBCNarayDaWakht Subscribe for more videos: https://www.youtube.com/c/BBCPashto?s... Youtube:    / @bbcpashto   Like us on Facebook:   / bbcpashto   Follow us on Twitter:   / bbcpashto   Instagram:   / bbcpashto