ఎన్నో ఏళ్ళ భక్తుల కల సాకారం కానుందా? తెనాలి రామాలయం గురించి అత్యంత ముఖ్య సమాచారం! #jaishreeram

ఎంతో మందికి కోరిన కోర్కెలు తీర్చి… ఎన్నో కుటుంబాలను ఆపదల నుండి గట్టెక్కించిన… మన తెనాలి బాలాజీరావుపేట శ్రీ కోదండ రామస్వామి దేవస్థానం ప్రస్తుతం పునర్నిర్మాణ దశలో ఉంది. సుమారు వంద సంవత్సరాల చారిత్రక ప్రాధాన్యత కలిగిన ఈ పవిత్ర దేవస్థానంలో శ్రీ సీతా లక్ష్మణ సమేత శ్రీ కోదండ రామస్వామి స్వామివారు కొలువై ఉన్నారు. అదనంగా శ్రీ ప్రసన్న ఆంజనేయస్వామి, శ్రీ లక్ష్మీ గణపతి, నవగ్రహ దేవతల ఆలయాలు భక్తులకు దర్శనమిస్తున్నాయి. ఈ దేవస్థానంలో ప్రతి సంవత్సరం ఉగాది, వసంత నవరాత్రులు, స్వామివారి కళ్యాణం, హనుమజ్జయంతి, కార్తీకమాస పూజలు, దసరా నవరాత్రులు, ముక్కోటి ఏకాదశి వంటి అనేక మహోత్సవాలు అత్యంత వైభవంగా నిర్వహించబడుతున్నాయి. అలాగే “శ్రీ రామానంద యోగేశ్వర ధర్మశాల”లో మహానుభావుల విగ్రహాలు మరియు శ్రీ సీతా లక్ష్మణ హనుమత్ సమేత శ్రీ కోదండ రామస్వామి విగ్రహాలు ప్రతిష్ఠించబడి ఉన్నాయి. కాలక్రమేణా ఆలయ గోడలు దెబ్బతినడం, ధ్వజస్తంభం శిథిలావస్థకు చేరడం, వర్షాకాలంలో ఆలయంలో నీరు నిల్వ ఉండడం, రాజగోపురం లేకపోవడం వంటి సమస్యల వల్ల ఆలయ పునర్నిర్మాణం అత్యవసరమైంది. భక్తుల కోరికతో మరియు దేవాదాయ శాఖ సహకారంతో ప్రభుత్వం ఆలయ పునర్నిర్మాణానికి ఆమోదం తెలిపింది. మొత్తం అంచనా వ్యయం రూ.1.20 కోట్లు. అందులో రూ.80 లక్షలు మంజూరయ్యాయి. మిగిలిన మొత్తాన్ని భక్తుల విరాళాల ద్వారా సమీకరించాల్సి ఉంది. కాబట్టి ప్రతి భక్తుడు తన వంతు సహాయాన్ని అందించి ఈ మహత్తర దేవకార్యంలో భాగస్వామి కావలసిందిగా మనస్పూర్తిగా ప్రార్థిస్తున్నాము. 🙏 ధర్మో రక్షతి రక్షితః 🙏 ‪@satyagnanamurthyravuri9617‬