Сергей Расторгуев олоҕун, күндү киһитин Марфа Колесова туһунан. Ис сүрэхтэн (29.10.2017)

Официальный сайт NVK-ONLINE.RU - Саха государственнай Бриллиантовай циркэтэ билигин аан дойдуга аатырар-сураҕырар. Акробаттар, гимнастар, иллюзионистар араас таһымнаах фестивалларга ситиһиилээхтик кытталлар. Саха циркэтэ сайдарыгар, атаҕар турарыгар Россия Үтүөлээх артыыстара Марфа, Сергей Расторгуевтар сүҥкэн оруоллаахтар. Мэҥэ кыыһа Марфа Колесова уонна Амма уола Сергей Расторгуев тапталларын уота дойду тэбэр сүрэҕэр Москваҕа күөдьүйбүтэ. Эдэрдэр холбоһон, 1974 с. Дьокуускайга улахан уруу тэрийбиттэрэ. Онтон ыла харыс да сири халбарыйбакка, бииргэ үлэлээн-хамсаан, айан-тутан, саха култууратын сайыннаран кэллилэр. Бары хомойуохпут иһин, норуот тапталлаах артыыһа Марфа Колесова-Расторгуева 2016 с. сэтинньи 5 күнүгэр ыарахан ыарыыттан бу олохтон барбыта. Марфа Петровна олус аһыныгас сүрэхтээх, үтүө майгылаах, элэккэй, киһи кэрэтэ диэн сүрэхпитигэр хааллаҕа. Сергей Васильевич Расторгуев олоҕун сэһэнин уонна күндү киһитин, Марфатын, туһунан "Ис сүрэхтэн" биэриигэ сэһэргиир.