أقوى قصيدة في شاعر المليون |ياجار كانك طعتني برقع الطير |هادي الرزقي

ياجار كانك طعتني برقع الطير طيرك وحش وقلوبنا مستميـتـه لولاي رجلٍ من رجالٍ بهم خير ماصد وأغض النضر من بخيته ياجار طيرك كل ماعرض عصير مدري علامه يلتفت ما دعيته يمر كأنه شارد الصيد لاذير لأبوه لأبو حي حيه وميته أغير وانذر وانذر القوم واغير وابيع روحي وانهزم لا بغيته يردني ياجار طبعٍ لنا غير الجار ماندرج لغرات بيته يبقا على حشمه وشيمة وتقدير ويروح عني بالردا مـاقـفيته من خوف شيٍ مابعد صار ويصير اما هدمت البيت ولا بنيته بعدٍ عن الهين معزه وتوقير ورجمٍ على غير النقا مابديته يحدني يم الخطاء دون تبرين الي بلاني بالهوا مابليته وانا بشر مني خطايا وتقصير الله يغفر كل ذنبٍ جنيته