新歌連古天樂都讚好聽 張蔓莎鍾意林家謙方大同夠沉實｜Viu1 人物專訪

新歌連古天樂都讚好聽 張蔓莎鍾意林家謙方大同夠沉實｜Viu1 人物專訪 張蔓莎（Sabrina）首支發行單曲《剎那的》正式推出，以曖昧為概念，係由佢親自作曲，仲同鍾說合填歌詞！ Sabrina覺得曖昧感覺很正 ，雖然佢自認戀愛經驗唔多，五隻手指可以數到晒，但未曾被Hurt過，都係和平分手。講到愛情觀，Sabrina係好認真去投入戀愛，亦喜歡有才華嘅男仔，唔多出聲嗰款，圈中人就覺得方大同、林家謙係有才華類型男生。原來才華型男仔，真係咁受女仔歡迎架喎！ 其實首歌《剎那的》係古天樂旗下唱片公司幫Sabrina推出，呢次Sabrina就威威喇！連老闆古仔都讚話鍾意首歌。不過係人都知Sabrina有個孖生姐姐張蔓姿（GiGi），早排仲喺《2021年度叱咤樂壇流行榜頒獎禮》奪得「叱咤樂壇新力軍金獎」獲得好成績，但Sabrina就話唔怕被人將佢同姐姐比較，反而希望將來可以跟姐姐合唱推出歌曲，仲爆原來佢哋兩姊妹細個時成日扮組合Twins唱歌！希望佢哋兩姊妹快啲合作推出歌曲，最好係跳唱嗰隻喎！ #張蔓莎 #Sabrina #剎那的 #Viu1人物專訪 #Viu1 #Viu #黃Viu #黃Viu煲劇平台 ____________________ ►訂閱 Viu1 娛樂新聞 YouTube Channel: https://bit.ly/3lYFNLW ►追蹤 Viu1 娛樂新聞 Instagram:   / viu1hk   ►讚好 Viu1 娛樂新聞 Facebook page:   / viu1hk   ►觀看更多精彩內容：https://www.viu.com/