Klan News - Amnistia “i fal” dy ditë fierakut: E kam bërë burgun kokërr më kokërr!

E shlyente dënimin 25 vjeçar këtë të Premte, doli të Mërkurën nga qelia si përfitues i Amnistisë. Ky burrë nga Fieri i cili la qelitë e burgut të Peqinit thotë se nuk u ka asnjë borxh autoriteteve. -Edhe sa ditë ju kishin mbetur nga dënimi? “Dy ditë, ja ku e ke. Ja ta shikosh, u thoni atyre meqë ju paskan dërguar juve, e kam bërë burgun kokërr më kokërr, me fasulet e këtyre." -Sa vjeç ishit kur u futët në burg? “30 vjeç.” -Si kanë qenë këto vite për ju? “30 vjet sterr!” Ndërkohë Bledi Laku nga Tirana pas tre viteve në burgun e Rrogozhinës la qelinë mesidtën e kësaj të mërkure. 50 ditë nga shlyerja e dënimit përfitoi nga amnistia. Ka qenë i dënuar për aksidentimin e një punonjësi policie dhe sot ende ndihet në faj. “Jam fajtor shumë që e kam bërë atë punë dhe i kërkoj falje publikisht atij zotit polic i cili gëzon shëndet të plotë tani. Për gabimin që bëra, vuajta dënimin.” Një ditë e gëezuar jo vetëm për të burgosurit, por edhe për familjarët e tyre. Kjo grua priti daljen e vëllait i cili është sërish i lirë pas 24 vitesh. “Shumë e vështirë ka qenë, nuk i thonë pak 24 vite të presësh.” Ndërsa ky familjar qëndroi disa orë para burgut të Fierit vëllanë e tij 72 vjeçar i dënuar 5 vite e 4 muaj për prodhim dhe shitje të lëndëve narkotike. “U dënua për hashash dhe lirohet sot.” Mes atyre që përfituan kishte edhe ish-zyrtarë. Ish-kryebashkiaku i Lezhës Fran Frrokaj la qelinë e burgut të Reçit. “Shnet dhe mbarësi për të gjithë shqiptarët kudo që janë. Mbarësi në familjet e tyre, gjithë të mirat!” SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan