मोहरम मिरवणुकीत विषारी कॅप्सूल वाटणाऱ्याला ज्यांनी पकडून दिलं, त्या दोन महिलांनी काय सांगितलं?

26 जून 2026 रोजी मुंबईतील भायखळा परिसरात मोहरमच्या मिरवणुकीदरम्यान उंदीर मारण्याचं विष असलेल्या कॅप्सूल वाटणाऱ्या एका व्यक्तीला पोलिसांनी अटक केली. हजारो भाविक सहभागी असलेल्या या मिरवणुकीत इहलाम हमीदी आणि रुखसार सय्यद या दोन महिलांनी दाखवलेल्या सतर्कतेमुळे संभाव्य मोठी दुर्घटना टळली. या प्रकरणी पोलिसांनी पुण्यातील फय्याज प्रेमजी याला अटक केली आहे. त्याच्याकडून 14,900 कॅप्सूल जप्त करण्यात आल्या असून त्यामध्ये झिंक फॉस्फाईड हे विषारी रसायन वापरण्यात आल्याची माहिती पोलिसांनी दिली आहे. या कॅप्सूल रासायनिक तपासणीसाठी पाठवण्यात आल्या असून अधिक तपास सुरू आहे. या घटनेत मिरवणुकीत स्वयंसेवक म्हणून काम करणाऱ्या इहलाम हमीदी आणि रुखसार सय्यद यांनी संशय घेत आरोपीला पकडलं. त्यानंतर पोलिसांना माहिती दिली आणि त्याला त्यांच्या ताब्यात दिलं. त्यामुळे हा संपूर्ण प्रकार उघडकीस आला. बीबीसी न्यूज मराठीचं YOUTUBE CHANNEL SUBSCRIBE करा 👉🏽 https://bbc.in/4pSJRwe ___________ तुमच्या कामाच्या बातम्या आणि गोष्टी आता थेट इथेच, व्हॉट्सॲपवर... 🤳 बीबीसी न्यूज मराठीचं व्हॉट्सॲप चॅनल जॉईन करा... 🔗 https://whatsapp.com/channel/0029Vaa8... पाहा सविस्तर गोष्टी आणि बातम्या आमच्या वेबसाईट आणि सोशल हँडल्सवर : https://www.bbc.com/marathi   / bbcnewsmarathi     / bbcnewsmarathi     / bbcnewsmarathi