فلاح المورقي & شبل الدواسر - لاعتزينا بالعطاوي (حصرياً) 2024

إشترك في قناة فلاح المورقي الرسمية للحصول على أحدث أصداراتة الفنية https://2u.pw/SplEA تنبية : نسخك للمحتوى او عادة رفعه يعرض قناتك للاغلاق 🔥لاعتزينا بالعطاوي🔥 كلمات : فلاح المورقي ألحان واداء : ​شبل الدواسر انتاج فني : استديو تون لايف - الخبر ​⁠ ------ لمتابعة فلاح المورقي عبر وسائل التواصل الإجتماعي: ‎سناب شات Snachat: https://2u.pw/hUMjq ‎تويتر Twitter: https://2u.pw/eZRuL ‎انستقرام lnstagram: https://2u.pw/qOWMt الكلمات : اكفني زلة عبادك ياخلاق العباد العرب بادت بعضها بعض بعيونها لايمي ماهو بودي يطول الابتعاد المنابر ضيقة الصدر حالت دونها عاقبوني لين عفت الزراعه والحصاد عالم ياما وياما مليت بطونها انذروا حسادي وقولوا اللي غاب عاد زين معواد الامانه على مامونها الحسود يعيش ويموت ماحقق مراد عقبةٍ لو تتعب الناس يتعدّونها جيت في راسي حمايا مافي راسي حياد والحمايا تقعد الروس فوق متونها مرحبا عن من يرحب عباده واجتهاد من خلقه الله وترحيبته توحونها مرحبا وان جاد غيره رياء لله جاد والكرام كرام والله يكون بعونها مرحبا ماباد صوتي ولا الترحيب باد فيكم ازيد التراحيب وتزيدونها مرحبا في حفل شيخٍ عليه الاعتماد نسل من يقفون فالبل ويفتكونها صالح ابن مبارك الروم زيزوم الطراد الضيوف يكرم اشنابها ودقونها صالح اللي مثل صالح فرقه الله وزاد مثل فرق اخوانه اللي ماهو ياهونها يابن عمي ليل حفلك من ليال العياد جعل الافراح اتهامل عليك مزونها للزوم الصعب صوّت على فالح وناد والدهاه تعرف وقفات اخوك شلونها ياخو خالد واخو مصلح هل المجد الوكاد واهل وضحاً مع نبانا تجن جنونها في ذرانا من يضايقك يالوضحا السناد ارتعي بوسوم ربعٍ وساع طعونها عزل اهلنا يوم اهل نجد في حرب وجهاد البداوه حنا اهلها واهل قانونها من يعاندنا ننسّيه شي اسمه عناد والقبيله باسمنا ماتخيب ظنونها ولاعتزينا بالعطاوي على ظهور الجياد اقفت الاعداء بحسراتها وغبونها مورقه والمورقه يوم قدحات الزناد روس قومٍ قمة المجد يحتلّونها من عتيبه نصر الاسلام قبل إسلام اباد عزوةٍ ست الدول مستحيل نخونها والرواما فالفروسيه اطرفهم سداد واهل معرفةٍ ينير العقل مضمونها نشبع بهداتنا الذيب وطيور الهداد العشا فعيون الاسلاف قبل صحونها الشهود لفعل صالح ذرا البوش التلاد خلّدت فأبياتٍ عتيبه يغنونها صالح اللي طالت ايده على كل الاياد سيرةٍ يفنون الاخصام ما يفنونها اشهد ان الروم فدح الخصوم بكل ماد حصن والتسع القبايل ياكثر حصونها في وجيه احفاده نشوف للمجد امتداد فزعةٍ ياكم وكم معضلةٍ ينهونها يوم كلٍ من عتيبه له حدود وبلاد حولوا فالمورقيه كبار اركونها شيّدوها باسم مورق وفيها العز شاد ومن ورث هيبات الاسماء الكبار يصونها