“Əvvəl hər şeyim vardı, övladım yox idi, indi isə...” | Gözüyaşlı atanın ürəkdağlayan hekayəsi

“Əvvəl hər şeyim vardı, övladım yox idi, indi isə...” | Gözüyaşlı atanın ürəkdağlayan hekayəsi Bir vaxtlar media sahəsində çalışan Tural Rəhimov hazırda Mənzil Kommunal Təsərrüfatı Birliyində süpürgəçi kimi fəaliyyət göstərir. O, həyatında baş verən çətinliklərdən, ailəsinin maddi durumundan və övladlarının taleyindən “Arzunun vaxtı” verilişində danışıb. Tural Rəhimovun sözlərinə görə, uşaqlıq illəri asan keçməyib. Altı yaşında anasını, 13 yaşında isə atasını itirən Tural internat məktəbində oxuyub. Onun həyatındakı əsas dönüş nöqtələrindən biri isə uzun illərdən sonra oğul övladının dünyaya gəlməsi olub. Tural bildirib ki, həyat yoldaşı ilə 10 il övlad həsrəti çəkdikdən sonra Əlican dünyaya gəlib. Lakin sonradan onda serebral iflic xəstəliyi aşkarlanıb. Ata deyir ki, övladının müalicəsini davam etdirmək üçün ailənin imkanları tükənib. Onlar evlərini və bir sıra əşyalarını satıb, kredit götürüblər. Tural məhz oğluna daha çox vaxt ayıra bilmək üçün media sahəsindəki fəaliyyətindən uzaqlaşdığını və hazırkı işinə başladığını bildirib. “Əvvəl hər şeyim var idi, övladım yox idi. İndi övladım var, demək olar ki, dünyalarım var. Sadəcə həyatımız çox çətindir”, – deyə o qeyd edib. Turalın birinci nikahından da qız övladı var. O, qızı ilə münasibətlərinin hazırda yaxşı olmadığını və bunun onun üçün ən ağır məsələlərdən biri olduğunu deyib. Atanın sözlərinə görə, son söhbətlərindən birində qızı ona “Sənin kimi atanın olmağındansa, olmamağı yaxşıdır” deyib. Tural isə qızından imtina etmədiyini, onu görmək və münasibətlərini bərpa etmək istədiyini bildirib. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv “Əvvəl hər şeyim vardı, övladım yox idi, indi isə...” | Gözüyaşlı atanın ürəkdağlayan hekayəsi 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #gözüyaşlıata #ata #övlad #hekayə #dram baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan