𝗖𝗵𝘂𝗼 𝗰𝗵𝗮 𝗨𝗳𝘂𝗻𝗱𝗶 𝗔𝗿𝘂𝘀𝗵𝗮 𝗠𝗯𝗶𝗼𝗻𝗶 𝗞𝘂𝗮𝗻𝘇𝗶𝘀𝗵𝗮 𝗣𝗿𝗼𝗴𝗿𝗮𝗺𝘂 𝘇𝗮 𝗦𝗵𝗮𝗵𝗮𝗱𝗮 𝘆𝗮 𝗨𝘇𝗮𝗺𝗶𝗹𝗶 (𝗠𝗮𝘀𝘁𝗲𝗿’𝘀 𝗗𝗲𝗴𝗿𝗲𝗲 𝗣𝗿𝗼𝗴𝗿𝗮𝗺𝗺𝗲𝘀)

Chuo cha Ufundi Arusha Mbioni Kuanzisha Programu za Shahada ya Uzamili (Master’s Degree Programmes) Chuo cha Ufundi Arusha (ATC) kipo katika hatua za mwisho za maandalizi ya kuanzisha programu za Shahada ya Uzamili (Master’s Degree Programmes) ikiwa ni sehemu ya mkakati wake wa kupanua wigo wa elimu ya juu na kuimarisha maendeleo ya taaluma za ufundi na teknolojia nchini. Programu zinazotarajiwa kutoa fursa kwa wahitimu na wataalamu kuendeleza masomo katika ngazi ya juu, kufanya tafiti na kuibua ubunifu unaolenga kutatua changamoto za maendeleo ya viwanda na uchumi. Hatua hiyo pia itaongeza uwezo wa chuo katika kuzalisha wataalamu wenye ujuzi wa hali ya juu na ushindani katika soko la ajira la ndani na kimataifa. Kupitia programu hizi, ATC inaendelea kuthibitisha dhamira yake ya kuwa kitovu cha ubora katika elimu ya ufundi, teknolojia na tafiti nchini Tanzania.