Сичқон йилида туғилганлар қандай одамлар? #мучал #сичқон #бурж #башорат

Сичқон йилида туғилганлар 12 ҳайвонли мучал тақвими 12 йиллик даврни қамраб олиб, улар ҳайвонлар номи билан аталади. Биринчи мучал милодий Янги йил – 1 январдан эмас, балки умумтуркий Йилбоши – 21 мартдан киради. Шу тақвимда биринчи келадиган Сичқон йили 1948, 1960, 1972, 1984, 1996, 2008 ва 2020 йилларни ўз ичига олади. Сичқон йилида туғилган инсонларнинг кучли томонлари – уларнинг ақлли ва донолигида. Улар ҳеч кимга ўхшамаган, кашфиётчи бўлишади. Бироз хасислиги ва қаҳри қаттиқлигини салбий сифатларига киритиш мумкин. Мучал йилида Сичқон бироз айёр, ташқи таъсирларга тезда мослаша олиши билан ажралиб туради. Бу йилда туғилганлар ёрқин шахс сифатида намоён бўладилар. Улар истеъдодли ва қатъиятли. Кўпинча атрофдагилар Сичқонларни худбинликда айблайдилар, аммо уларнинг ўз ҳаёт тарзи бор ва шунга амал қилиб яшайдилар. Улар бир нарсага жуда узоқ вақт эътибор қаратишни ёқтирмайдилар ва энг муҳими, орзу ва хаёл эркинлигини қадрлашади. Сичқон йилида туғилган киши ҳар доим олдинда юришга ҳаракат қилади, моддий тўкинликка эришиш йўлида тиним билмайди. Киришимли, суҳбати билан ўзига қаратишни билади. Ички сезгилари ва ҳар қандай шароитга мослашиб кета олиш қобилияти уларга бошқалар чекинган жойларда ҳам омадга эришишда ёрдам беради. Бу йилда туғилганлар жуда романтик бўлишади, романтик ҳис-туйғуларни қадрлашади. Суҳбатлашишни, баҳслашишни яхши кўрадилар. Сичқонларнинг табиатан айёрлик сифати кўпинча иш беради, аммо баъзан панд бериб ҳам қўяди. Сичқон хафагарчиликни узоқ вақт ёдида сақлайди, қасос олишга мойиллиги бор ва баъзида рақибларини аяб ўтирмайди, қайсарлик билан ўз фикрида қолади. Зарарли одатларга тезда ўрганиб қолиши мумкин. Миш-миш тарқатишни ва ғийбат қилишни жуда яхши кўради. Майда-чуйда нарсаларга ҳам эътибор қилади. Сичқонлар ўз куч ва имкониятларидан фойдалалана олишади. Атрофдагилар уларни бахтли инсонлар деб ҳисоблашади, аммо ўзлари бу фикрга қўшилмайди. Улар кўп меҳнат қилишади, бир бурда нонни ҳам пешана тери билан топишади. Улар чаққон, ҳар ишда уста. Ҳиссиётга берилувчан, омадсизликка юз тутса, жуда қаттиқ азият чекади. Аммо тезда ўзини қўлга олиб, яна олға интилади. Келажакда қийналиб қолмаслик учун бюджетларини пухта режалаштиришга ҳаракат қилади. Сичқон йилида туғилганлар атрофдаги оламни, кўрган-кечирганлари, эшитганларини англашга, мушоҳада қилишга катта руҳий қувват сарфлайди. Дунёга машҳур кишилардан – Уильям Шекспир, Моцарт, Раж Капур, Лев Толстой, Жюль Верн, Шаҳзода Чарльз Сичқон йилида туғилган. #мучал #сичқон #бурж #башорат