Indirimbo Ihimbiwe Yubile Ya Inyasi wa Loyola; Padiri Martin Mudendeli, SJ

1. Mbatuye iyi ndirimbo, Ishingiye ku myitozo ya roho ya Mutagatifu Inyasi wa Loyola, Ikaba iri no mu njyana y’umukarago w’I Rwanda. Harimo na inspiration dukesha Imana. 2. Iyi ndirimbo ariko, umuntu ashobora no kuyifashisha ataririmba, ahubwo asenga gusa, yifashishije amagambo yayo. 3. Ndetse byaba byiza, mbere yo kuyiririmba umuntu akabanza akanyuza ijisho muri ayo magambo. Binashobotse, umuntu yayatoza abanyeshuri bacu, ndetse n’abandi bantu, babibonera umwanya ubwo baba binjiye muri Exercices Spirituels. 4. Ubushize tugiye gutangira Yubile ya "Metanoia" ya Inyasi, twabagejejeho MU KINYARWANDA, IMYITOZO YA ROHO ya Mutagatifu Inyasi wa Loyola. None ubungubu, mbere y'uko mu minsi mike dusoza iyo Yubile, tunejejwe no kubagezaho AKO KARIRIMBO, gashingiye ku MYITOZO YA ROHO, no kuri YA NJYANA mukunda cyane. Ngaho rero mucinye akadiho, mugorore ibyano, muvune umugara, muvune umunani, munavune sambwe, muti YUBILE NZIZAAA. Ahasigaye, musogongere, musome mucurure, maze muryoherwe n'ingabire zinyuranye, muronke n'Ingabirano, Inyasi yiherewe n'Imana, ya yindi Rurema, ari Yo Rugira, imwe Rugaba, ikaba na Rugwiro, maze Inyasi yamara kugabirwa, izo nema ku bw'Imana, na We akazisangiza Bene-Imana. Dushimire Iyamuduhaye, ikanaduha Yubile nziza ye, y'IMYAKA 500 ISHIZE (1522-2022), akoze METANOIA y'igitego n'igitangaza. Mbere yo gusubika, kuko ntabwo nshoje, kuyavuga si ukuyamara, reka ngereze ahangaha, ngira nti: Musingize Iyaduhanze Ikanaduhuza. Muhorane Iyakare. Musugire musagambe, iteka rizira iherezo. YUBILE NZIZA TWESE. Père Martin, Mwangaza Nairobi, Kenya, Juin 2022