جديد مهذل الصقور .. || مكرم .

بسم الله الرحمن الرحيم لي بدعنا القاف ما نشرب الا من ازْلال نبدع ابياتٍ جِدَدْ ما نجيب امْقَوّلـــه" ابن مهذل قال يالله عليك الاتّكال يجعل اسمك للمجالس وللشعر اقبلَه" وجهك الباقي، وكم حط في الدنيا وشال يحسب انّه خلّها لين تخْلي منزله" واهني من عفْ منها بعَدْ شدّ الرحال والفتى لي عف قلبه فبيزين اعمله" هاضني في تالي الليل براق الخيال وعن هل النالات والعز قلبي ما دلَهْ" ويش جاب الهطف لامّات تاجين الطوال يفْرُقون الناس في المستوى والمنزله" به رجالٍ كاملين وبه أنصاف الرجال ما نبا نذكر الاسامي ونضرب الامثله" عنْ بني مكرم سلاطين حِمْيَرْ لا تسآل لو يكثّر قاصر العرف عنهم الاسئله" هم هل التسبيح لله في روس الجبال وكل وادٍ ينزلونه فهم قدوة هلـــه" هم هل البيرق لما رِزّ مافيها جدال كم زعيمٍ عقّلوا عكفته في معقله" هم هل الساس المعرَّب طريّين الفْعال يوم جد اللاش ساسه ردي ما وثّلَــه" أسعد الكامل نِتَبْ عِرق وافين الخصال وسيف ابن ذي يزن راعي السوابق الاوله الدعاة اجدودهم والجدود لهم اعيال بعضهم من بعض ذريةٍ متسلسلــه" هل وجيهٍ تجمع الشور في يوم الكفال يوم زمّات القبايل وعصر القبيَله" ليْ نواهمْ مسرفٍ نوّخوا له بالسلال والبنادق مِزهَبه والرّكاب امْعَقّله" يا سلام الله عليهم عدَد ما الفيّ مال بين زمزم والصفا والحجيج امهَلّله" وعد ما عقْب الحيا زايلٍ في الارض زال هاضه البارق وقد للرواعد زلــزلـــه" خص مولانا الجمالي سنودٍ له اظلال مَن بغا حوض الولايه فيارَد منهله" وخُص مولانا عليّ بن حاسن لا يزال مجدنا الحاضر ومجد العصور المقبله" التسامح منهجه والورع والاعتدال ابلجٍ بالعقل والدين ربي جمَّلــٰه" إنْ عطى جزْل العطايا فمدّاته اجزال وانْ تصدّى للقضايا يحل المعضله" من مواريث الحسن بِن هِبه نِعْم السبال كم عقيدٍ مِن اشْداد العقاده نزّله" يقمع الفتنه لو انْها سريعة الاشتعال وانْ زعل نرضيه ونزعّل الليّ يزعله" لو بغينا كان قلنا كلامٍ ما يقال غير مردودٍ على كل هازلْ مهزلَـــه" ومن بلانا مرحبا به تراحيبٍ اشلالْ نَدْقلِه يوم الملاقا بكل امْصَقّلَه" بكره المخطي يثَنّىٰ ورا قيده اعقال والحسابات القديمه ما هيب امقفّلهْ" طال عمر اللي يعمْر الروابع والحْلال والمساجد والقُبَب بالحصون امكمّله" صرح دعوتنا العظيمه تعلاّ واستطال والجهود المخلصه بالنجاح امْكَلّلــه" ارض دعوتنا الشريفه رواسيها اثقال الحدود وفضلهم بيّنٍ ما نــجهلــه" سيّدي منصور راسٍ لهم في كل حال واشهد انْ سِيدي الحسن له من القسم اجزله والثلاثة عقب الاثنين سَمْحين القِبال ومن يقدّم نية الخير لازم تِصّلِه" والثّنا لله والعز كلّه والجلال والصلاة اتخص من بآل عمران ارسلَه" جديد مهذل بن مهدي الصقور🌹. #شعراء_يام .