公屋裝修！好耐無上傳！🤭最近幫朋友裝修一人公屋單位！這就是拎包入伙！無難度完成！🤣🤣🤣

我放左段片上去都有兩三個禮拜！最多人問同關心嘅係價錢！其實裝修價錢係堆疊式計算的！一般裝修同設計公司總會游説你做多D！但好多時都係華而不實的！你必須清楚自己需要同能力！就以呢間屋為例！屋主是位單身女士！屋主未攞到公屋前已經找我的！屋主原先説因為沒什么錢！大約只有八至十萬蚊裝修錢！找裝修公司做普通公屋裝修大約需要14萬！首先強調一樣野！公屋跟私樓是有分別的！公屋戶一般都是打工仔！要求正常是不高的！為什么咁多裝修爛尾都是由於呢個原因引起的！做前説求其！做落要求多多！收貨驗屍咁驗！亦係因為呢個原因！令到裝修公司開高價求自保！呢個惡性循環出現！ 我幫這個朋友之所以沒出現爭議！是因為我祗收取佢工資！以日薪計算！佢要加改設俻物料都係佢出錢買！佢越做多花費亦越多！原來八萬硬件裝修是可以的！幫佢省錢做！但佢原來有要求的！🤣🤣普通厠板1.2百蚊買到！佢又要智能厠板！🤣裝一塊智能厠板！香港買的話要4.5千加電源水源到！要6.7千先做到！佢浴室入口只有600mm闊！用浴帘一兩百蚊其實已不錯！但佢要玻璃浴屏！香港訂要3千幾！洗手盆櫃買現成既！袛需千零蚊！但佢又要訂做嘅！什至連過度門位都要做包門套！包門套訂加安裝要幾千的！由原來簡單裝修變成中級裝修（一般私樓裝修）唔係朋友我一定唔會幫佢做🤔所以呢度好多人問幾錢我都唔知點答佢！🤣🤣😂如果同呢個款裝修連家電有良心公司大約要18~9萬！因為佢係我朋友所以先倒貼人工比佢！我收佢1200蚊一工咋！我幫人打工都收1600蚊日啦！仲未計設計東奔西走D時間！ 言歸正傳！解答所有人關心問題！🤣雙人地臺油壓床500高大約5000蚊！衣櫃廰櫃每直呎約1500蚊！現貨洗手盆櫃1米內連安裝約2500元！現貨鏡櫃無燈1米內1500元！厨房厠所鋁質天花兩個約4000元！新造上下厨櫃石英石台面連打拆石矢灶台清走泥頭補回受破壞瓷磚20000元（一般用英泥沙補回！因厨櫃會覆蓋看不見）單人單位執灰不摌底連門轉色！約12000蚊！躺摺門(PD門)裝原有門框連工包料2400蚊!wpc12mm厚木塑地板11000蚊包工料！改來去水喉(明喉)至新位約6000蚊連工料！更換座厠人工1200蚊(不包座厠)及清走舊座厠(因座厠列入建築廢料)！玻璃浴屏以該單位摺門為例！2800元連工料！窗帘同窗帘盒連工料1400蚊！以該單位為例！安裝置物架厨房架燈飾衹收取日薪工資計！此報價是以這單位為例！正當裝修公司造價會加20%~30%！因有行政費！保險！出圖！同溝通時間損耗！以上報價只係俾想裝修嘅人參考！本人已退休！而且因為單人完成所有工作！是有局限的！已此單位為例算公屋中比較實用同美觀而又沒有太大破壞公屋原有設備！一般人可負担得起！謝謝你花時間觀看！🙏😜