ഇന്ത്യയിലെ സുന്ദരിപശു താർപാർക്കർ മുതൽ കാസർ​ഗോഡ് കുള്ളൻവരെ ഈ തൊഴുത്തിലുണ്ട്| Amazing Breeds of Cattle

കോട്ടയം ജില്ലയിലെ കുറവിലങ്ങാട് ഇടത്തനാൽ വീട്ടിൽ വിവിധയിനം നാടൻ പശുക്കൾകൊണ്ട് ശ്രദ്ധയാകർഷിക്കുകയാണ്. ശുദ്ധമായ പാലുകുടിക്കുക എന്ന ലക്ഷ്യത്തോടെ ആറു വർഷം മുമ്പാണ് പശുവളർത്തൽ ആരംഭിച്ചത്. പതിനഞ്ച് ഇനത്തിൽപെട്ട നാടൻ പശുക്കൾ ഇപ്പോൾ ഈ വീട്ടിലെ തൊഴുത്തിലുണ്ട്. 2019 -ൽ അപൂർവ കാലിയിനങ്ങളുടെ സംരക്ഷണത്തിന് സംസ്ഥാന ജൈവവൈവിധ്യബോ​ർഡിന്റെ പുരസ്കാരം വീട്ടമ്മായായ രശ്മിയെ തേടിയെത്തി. പാകിസ്ഥാനിലെ സിന്ധ് പ്രവിശ്യയിലുള്ള താർപാർക്കർ, പഞ്ചാബിലെ നാടൻ ഇനത്തിലുള്ള രാത്തി, സഹിവാൾ, ​ഗുജറാത്തിലെ കാം​ഗരാജ്, മഹാരാഷ്ട്രയിലെ റെഡ് സിന്ധി, ​ഗുജറാത്തിന്റെ ​ഗീർ, കേരളത്തിന്റെ നാടൻ ഇനത്തിലുള്ള കാസർ​ഗോഡ് കുള്ളൻ, ചെറുവള്ളി, വെച്ചൂർ, സ്വർണകപില, സുനന്ദിനി വിദേശയിനങ്ങളായ ജഴ്സി-സ്വിസ്ബ്രൗൺ ക്രോസ്, ജഴ്സി എന്നിവയാണ് ഇവിടെ ഉള്ളത്. നാടൻ ഇനങ്ങളിൽ നിന്നും എടു മിൽക്കും, വിദേശയിനങ്ങളിൽ നിന്നും എവൺ മിൽക്കും ലഭിക്കുന്നു. ഇരുപത് വർഷം ഓസ്ട്രിയ വിയന്നയിൽ ഐക്യരാഷ്ട്ര സംഘടനയിലെ ഔദ്യോ​ഗിക ജീവിതത്തിനു ശേഷം കൃഷിയിലേയ്ക്ക് തിരിഞ്ഞതാണ് ഈ കുടുംബം. വിഷമില്ലാത്ത പച്ചക്കറികളും പാലും മുട്ടയും മീനുമൊക്കെ കഴിക്കണമെന്ന ആ​ഗ്രഹത്തിൽ ചെറിയ രീതിയിലാണ് തുടങ്ങിയത്. പശുക്കളെ കൂടാതെ ആട്, കോഴി, കരിങ്കോഴി, മുയൽ, താറാവ്, മണിത്താറാവ്, വിവിധയിനം നായകൾ, കാട, ലൗ ബേർഡ്സ്, പ്രാവ്, മീൻ എന്നിവയുമുണ്ട്. ഇതിനുപുറമെ, മൂല്യവർധിത ഉൽപന്നങ്ങളായ തേൻ, അച്ചാർ, മല്ലിപ്പൊടി, മുളകുപൊടി എന്നിവയും വിൽക്കുന്നുണ്ട്. Ph: 9605 767 869 ആടുവളർത്തൽ ലാഭത്തിലാക്കാനുള്ള എളുപ്പവഴികളെക്കുറിച്ച് അറിയാം    • ആടുവളർത്തൽ ലാഭത്തിലാക്കാനുള്ള എളുപ്പവഴികളെ...   ANTI-PIRACY WARNING This content is Copyrighted to Cooking Factory. Any unauthorized reproduction, redistribution, or re-upload is strictly prohibited. Legal action will be taken against those who violate the copyright of the same. #AmazingBreedsofCattle