Prarthana Deva Tula Hi | प्रार्थना देवा तुला ही | गीत - मधुकर जोशी | Suchita Moghe

गीतकार: कवी मधुकर जोशी मूळ गायक - सुधीर फडके आणि उषा अत्रे संगीतकार - यशवंत देव प्रार्थना देवा तुला ही तूं सदा जवळी रहा मी जिथे जाईन तेथे प्रेम दृष्टीने पहा ॥ दुःख जेंव्हा दाटूनिया भार होतो अंतरी मी कसे विनवूं तुला रे धांव तूं गरुडापरी संकटाशी झुंजण्याला हात दे मजला दहा मी जिथे जाईन तेथे प्रेम दृष्टीने पहा ॥ स्वैर वेगे जीवनाचा धावतो रथ सारखा संयमाचा पथ ही माझा लोचनांना पारखा सारथी होऊन आता आवरी अपघात हा मी जिथे जाईन तेथे प्रेम दृष्टीने पहा ॥ आस नाही मज कशाची खंत नाही मानसी तूं नभाच्या लोचनांनी सर्व कांही जाणसी देह हा कर्मात सरूनी सफल होवो जन्म हा मी जिथे जाईन तेथे प्रेम दृष्टीने पहा ॥ Contact: [email protected]