Монгол улс Аргентин шиг болох боломжтой юу ? Хавиер Милей

Сүүлийн 40 -өөд жилийн турш улс төр, нийгэм эдийн засгийн гүн хямралд өртсөн Аргентин улс тартагтаа тулж байв. Өдрөөс өдөрт өөрчлөгдөх мөнгөний ханш, ажилгүйдэл, ядуурал, авилгал гээд зарим нэгэн талаараа манай улсыг санагдуулам энэ улсын хувь заяа бараг л сүйрэх дөхсөн байлаа. Ийнхүү цөхрөлдөө автсан ард түмэн ч тухайн жилийнхээ арван сард болсон Ерөнхийлөгчийн сонгуулиар нэгэн маш дуулиантай, сонирхолтой эрхмийг сонгосон юм. Энэ бол өөрийгөө Либератари үзэл баримтлалтай Анархо Капиталист хэмээн тунхагласан эдийн засагч Хавиер Милей. Ерөнхийлөгчийн тангараг өргөсөн өдрөө тэрбээр ард түмэндээ хандаж “Бидэнд мөнгө байхгүй.” хэмээн зарлаж, Аргентин улсыг жинхэнэ чөлөөт эдийн засгийн замаар замнуулахыг амлажээ. Эхэндээ түүний энэхүү сүржин, даржин амлалтуудыг Аргентины ард түмэн ба олон улсын ажиглагчид, судлаач нар тийм ч амар биелэх боломгүй хэмээн үзэж байсан ч 2023 онд жилийн 211 хувийн инфляцитай байсан Аргентины эдийн засаг өдгөө 2.7 хувь болон буурч, байнгын савалгаанд байдаг байсан мөнгөний ханш бараг анх удаа шахуу тогтворжсон байна. Энэ нь өөрөөр 2023 оны эхэнд ердөө л 420 доллартай тэнцдэг байсан Аргентин хүний цалин өнөөдрийн байдлаар 1700 доллартай тэнцдэг болсон гэсэн үг юмаа. Харин энэ бүх үр дүн ердөө л нэг жилийн дотор гарсан гээд та боддоо. Тиймээс бид өнөөдрийн бичлэгээрээ Аргентин улсын эдийн засагт тохиосон гайхамшиг гэх энэ үзэгдлийн талаар тайлбарлаж, Монгол улс энэ замналаар хөгжих боломжтой эсхэд хариулт өгөх болноо. Instagram:   / thereimedia   Facebook: Rei Media Энэхүү видеог хуулбарлах, дахин ашиглах, өөр платформ руу нийтлэхийг хориглоно.