اللي سرى ليلة الجمعه - ليلة فراقه | بندر بن عوير | بطيء

الكلمات : اللي سرى ليلة الجمعة وعلى وله عز الله أن ليلة فراقه دروس وعبر الله يسهل خطى رجله ويغفر خطاه من يوم شفته وأنا داري إن عنده خبر لو ما أستباح العيون اللي بكت في رجاه ما ضاق صدر الرياض وضاق صدر الخبر خذ كل شئ وعطاني خنجرٍ من جفاه توغلت في ضلوعي قفلتين وشبر هوايةٍ يستلذّ بها وهو في صباه والظاهر إنها تبي تكبر معه لا كبر لو يتمثنى حنينه ضفتين القناة قامت تغني لها الأمواج يا أسمر عبر وستارة القلب يا دوب التفاتة مهاه تقدّها من قدوم وتقدّها من دبر أنا دخيلٍ على ربي وأنا في حجاه من كسرة الخاطر اللي لا إنكسر ما جبر لو ما قرا إسمي بعلبة زعفرانه نساه قسّته الأيام وأخلفه الزمان الغبر لا تامن الوقت لا شفت الحفاة الرعاة يشيّدون القصور ويلبسون الوبر وإن حاصرك زول ما أنكر وضامك غلاه وان ما ذكرت النعش ولاّ ذكرت القبر تدري متى تنفض يديك وتعاف الحياة لا أعطاك ربي معاناة وحرمك الصبر