Լմբատ համույթ-Հասկ հավաքեմ,Հանիկ նանար

Լմբատ համույթը շատ սիրվեց,շարունակենք ծանոթանալ խմբի կատարումներին 🥰💛 Ցավոք պետք է ասեմ,որ խումբն այլևս չի գործում,սակայն բարեբախտաբար մեզ հասել է նրանց արխիվային տեսագրություններից,որտեղ կան ավանդական երգերի հրաշք նմուշներ 🌞🌾 1980 թվականին՝ Արթիկի շրջանային կուլտուրայի տանը,Մարինե Մկրտչյանի նախաձեռնությամբ ու անմիջական ղեկավարությամբ ստեղծվում է «Լմբատ» ազգագրական համույթը,որը գործել է շուրջ 12 տարի և այդ ժամանակահատվածում հասցրել է վերականգնել ու ժողովրդին ներկայացնել 80-ից ավելի ավանդական երգ-պարի նմուշներ Կարսի, Էրզրումի, Բասենի պարերգային մշակույթից՝առանց որևէ փոփոխումների։ Հիմնադիր ղեկավար`Մարինե Մկրտչյան, Марине Мкртчян Գեղ.ղեկավար`Հենրիկ Սուքիասյան։ հ․գ․համույթի տեսանյութերից,ինչպես նաև անթիվ-անհամար այլ արխիվային ու արժեքավոր նյութեր կարող եք գտնել միանալով Արշակ Ադամյան ջանի յութուբյան ալիքին‪@Aygaber‬ —————— 1․Հասկ հավաքեմ Մութ գիշերին դուրս էկա, Ամպել է հուլա-հուլա Կկաթե մարմար քարին, Յարս ինձ համար կուլա: կրկ․՝ Հասկ հավաքեմ մանգաղով, Լուսինը յարս է, Մանգաղս քարին դիպավ, Սիրածս հարս է: Լուսնակը բոլորել է, Ամպի մեջ մոլորվել է, Աղջի, քու ծոցի մեջը Նռներդ կլորվել է: Երկար մազերով աղջիկ, Անուշ նազերով աղջիկ, Քու սերը հազար տեղով Խոցել է հոգիս աղջիկ: Ամպեր, մի քիչ հով արեք, Անձրև թափեք, զով արեք, Իմ կարոտ սրտի վրա Պաղ ջուր դրեք, դեղ արեք: Այ սարի սովոր աղջիկ, Այ թուխ մազավոր աղջիկ, Ջիգյարին գյուլլա դիպչի, Ով քեզ որ սիրի, աղջիկ: Օսկի մատնիք էր մատիս, Շողքը ընկավ երեսիս, Աքլոր, շուտով մի կանչե, Արթուն կանես իմ յարին: 2․Հանիկ նանար Մեր գեղը ձորի պռգին, Իմ յարն է քարփի գլխին: կրկն՝. Հաննիկ, նաննիկ, նանարիկ, նանար, Ջաննիկ, նաննիկ, նանարիկ, նանար: Հովեր իջեք լեռներից, Մտեք կուրծքս, զովանամ: Ձեն կուտամ, ձեն չի առնի, Էս ինչ անխիղճ յար ճարի: Սիրտ ու հոգիս կըդողա, Երգով արի, թուխ տղա: