WANANCHI MBEYA WATOA MPYA, CHEKI BALAA LAO WAKISHANGILIA USHINDI UCHAGUZI SERIKALI YA MTAA

Vyama vya Nation League for Democracy (NLD) na Tanzania Labour Party (TLP), vimekipongeza Chama cha Mapinduzi (CCM) kwa kupata ushindi wa asilimia 99 dhidi ya vyama vya upinzani katika uchaguzi wa serikali za mitaa uliofanyika Novemba 27, 2024. Vyama hivyo vimeeleza kuwa matokeo hayo yanatokana na maandalizi mazuri ya CCM na kuvitaka vyama vingine kujipanga vyema kwa chaguzi zijazo. Akizungumza na waandishi wa habari Dar es Salaam leo Jumamosi Novemba 30, 2024, Katibu wa NLD, Doyo Doyo, amesema CCM walionyesha uwezo mkubwa wa maandalizi kuliko vyama vingine. “Ukiangalia takwimu za Tamisemi, Waziri amesema vyama vya upinzani vimesimamisha wagombea kwa asilimia 38.4. Maana yake zaidi ya asilimia 60 zilizobaki ni CCM, na wagombea hao wengi walipita bila kupingwa. Hii inaonyesha namna walivyojipanga vizuri kwa uchaguzi huu,” amesema Doyo. Kwa upande wake, Katibu wa TLP, Richard Lyimo, amekiri kuwa maandalizi hafifu ya chama chake yalisababisha matokeo duni. "Hata hivyo, uchaguzi ulikuwa wa huru, haki, na amani,” amesema Lyimo huku akibainisha kuwa TLP itaimarisha maandalizi yake kwa uchaguzi ujao.