ಜಂಟಿ ಅಭಿವೃದ್ಧಿ ಒಪ್ಪಂದದ ಪ್ರಕಾರ ನಮಗೆ ಸಲ್ಲಬೇಕಾದ ಹಕ್ಕಿನ ಲಿಖಿತ ಲೆಕ್ಕಾಚಾರ, ಪಾರದರ್ಶಕತೆ ಮತ್ತು ನ್ಯಾಯ ಮಾತ್ರ.”

ಜಂಟಿ ಅಭಿವೃದ್ಧಿ ಒಪ್ಪಂದದ ಪ್ರಕಾರ ನಮಗೆ ಸಲ್ಲಬೇಕಾದ ಹಕ್ಕಿನ ಲಿಖಿತ ಲೆಕ್ಕಾಚಾರ, ಪಾರದರ್ಶಕತೆ ಮತ್ತು ನ್ಯಾಯ ಮಾತ್ರ.” “ನಾವು ಯಾವುದೇ ವಿಶೇಷ ಸೌಲಭ್ಯ ಕೇಳುತ್ತಿಲ್ಲ. ನಾವು ಕೇಳುತ್ತಿರುವುದು ನಮ್ಮ ಜಂಟಿ ಅಭಿವೃದ್ಧಿ ಒಪ್ಪಂದದ ಪ್ರಕಾರ ನಮಗೆ ಸಲ್ಲಬೇಕಾದ ಹಕ್ಕಿನ ಲಿಖಿತ ಲೆಕ್ಕಾಚಾರ, ಪಾರದರ್ಶಕತೆ ಮತ್ತು ನ್ಯಾಯ ಮಾತ್ರ.” ಕೋಗಿಲು ಕ್ರಾಸ್, ಯಲಹಂಕದಲ್ಲಿರುವ SLV Golden Towers ಮುಂಭಾಗದಲ್ಲಿ ಭೂಮಾಲೀಕರ ಪರವಾಗಿ ಪತ್ರಿಕಾಗೋಷ್ಠಿ ನಡೆಸಲಾಯಿತು. ಕರ್ನಾಟಕ ಅಂಬೇಡ್ಕರ್ ಸೇವಾ ಸಮಿತಿಯ ಸಾಮಾಜಿಕ ಹೋರಾಟಗಾರ ಶ್ರೀ ಸಂದೇಶ್ ಅವರು ಭಾಗವಹಿಸಿ ಭೂಮಾಲೀಕರ ಹೋರಾಟಕ್ಕೆ ಬೆಂಬಲ ವ್ಯಕ್ತಪಡಿಸಿದರು. ಭೂಮಾಲೀಕರ ಪರವಾಗಿ ಮಾತನಾಡಿದ ಶ್ರೀಮತಿ ಎಸ್. ರೇಖಾ ಅವರು, ತಮ್ಮ ಕುಟುಂಬವು 5.04 ಗುಂಟೆ (5,488.56 ಚದರ ಅಡಿ) ಭೂಮಿಯನ್ನು ಜಂಟಿ ಅಭಿವೃದ್ಧಿ ಒಪ್ಪಂದ (JDA) ಅಡಿಯಲ್ಲಿ ಅಭಿವೃದ್ಧಿಗಾಗಿ ನೀಡಿದೆ ಎಂದು ತಿಳಿಸಿದರು.ಯೋಜನೆ ಆರಂಭಿಸುವ ವೇಳೆ 4 ವರ್ಷಗಳಲ್ಲಿ ಯೋಜನೆಯನ್ನು ಪೂರ್ಣಗೊಳಿಸಿ ಭೂಮಾಲೀಕರಿಗೆ ಅವರ ಪಾಲನ್ನು ಹಸ್ತಾಂತರಿಸಲಾಗುವುದು ಎಂದು ಭರವಸೆ ನೀಡಲಾಗಿತ್ತು ಎಂದು ಅವರು ಹೇಳಿದರು. ಆದರೆ ಹಲವು ವರ್ಷಗಳು ಕಳೆದರೂ ಯೋಜನೆಯ ಕುರಿತು ಸಂಪೂರ್ಣ ಸ್ಪಷ್ಟತೆ ದೊರೆತಿಲ್ಲ ಎಂದು ತಿಳಿಸಿದರು. ಅವರ ಪ್ರಕಾರ, ಯೋಜನೆಯ ಅವಧಿಯಲ್ಲಿ: •⁠ ⁠ಕಟ್ಟಡ ಪರವಾನಗಿ (Building Licence) 2 ಬಾರಿ ಬದಲಾಯಿತು. •⁠ ⁠ಫ್ಲಾಟ್ ಹಂಚಿಕೆ (Allotment) 3 ಬಾರಿ ಬದಲಾಯಿತು. •⁠ ⁠UDS ಲೆಕ್ಕಾಚಾರ 3 ಬಾರಿ ಬದಲಾಯಿತು. •⁠ ⁠ಫ್ಲಾಟ್ ಸಂಖ್ಯೆಗಳು 2 ಬಾರಿ ಬದಲಾದವು. •⁠ ⁠ಯೋಜನೆ G+4 (A+B+C) ಇಂದ G+11 (A+B) ಗೆ ಪರಿಷ್ಕರಣೆಗೊಂಡಿತು. ಭೂಮಾಲೀಕರ ಪ್ರಮುಖ ಬೇಡಿಕೆಗಳು •⁠ ⁠ಅಂತಿಮ Entitlement Calculation ಪ್ರಕಟಿಸಬೇಕು. •⁠ ⁠ಅಂತಿಮ UDS Calculation ನೀಡಬೇಕು. •⁠ ⁠ಭೂಮಾಲೀಕರವಾರು ಭೂಮಿ ಕೊಡುಗೆ ವಿವರ ಪ್ರಕಟಿಸಬೇಕು. •⁠ ⁠ಭೂಮಾಲೀಕರವಾರು ಫ್ಲಾಟ್ ಹಂಚಿಕೆ ವಿವರ ಪ್ರಕಟಿಸಬೇಕು. •⁠ ⁠40% ಪಾಲಿನ ಅನುಷ್ಠಾನದ ಸಂಪೂರ್ಣ ಲೆಕ್ಕಾಚಾರವನ್ನು ಲಿಖಿತವಾಗಿ ನೀಡಬೇಕು.