VILIO, SIMANZI! BAADA YA MV KALEBEZO KUTEKETEA MOTO MWANZA

Zoezi la uokoaji wa abiria waliokuwa kwenye boti mv kalebezo iliyoteketea na kuzama katika maeneo ya visiwa vya Kunene na Lyamwenge ziwa Victoria ikiwa imebeba shehena ya mizigo na abiria ikitokea kisiwa cha Goziba wilayani Muleba mkoani Kagera kuelekea mkoani Mwanza limekamilika baada ya vyombo vya usalama kushirikiana na shirika la uwakala wa meli tasac kufanikisha kuokoa zaidi ya watu arobaini waliokuwa katika boti hiyo. Baadhi ya manusura waliookolewa katika ajali hiyo waliowasili katika soko la kimataifa la dagaa kirumba majira ya saa kumi alasiri na boti maalumu ya uokozi ya shirika la uwakala wa meli TASAC wamepongeza juhudi zilizofanywa na vyombo vya usalama walioshirikiana na wavuvi kuwaokoa. Huduma ya uokozi imefanywa na vyombo vya usalama katika mkoa wa mwanza kwa ushirikiano pia wa shirika la uwakala wa meli nchini tasac ambapo kaimu afisa mfawidhi wa tasac mwanza mhandisi Paul Musokwa watu wawili wamefanikiwa kuokolewa. Baadhi ya wafanyabiashara wa samaki na dagaa waliokuwa na shehena ya mizigo katika boti hiyo wameiomba serikali kurejesha huduma za usafiri wa meli ya MV CLARIUS ambayo ilisitisha huduma kwa zaidi ya miaka miwili sasa na kusababisha changamoto ya usafiri nankuwalazimu wafanyabiashara kutumia boti za mizigo ambao umekuwa sio salama.