PSD do të rishikojë aleancën me PS-në (16 Korrik 2004)

Lajme Arkiva 2004 Partia Socialdemokrate deklaroi sot se do të rishikojë aleancën me Partinë Socialiste nëse ajo nuk distancohet zyrtarisht nga organi i saj i shtypit gazeta “Zëri i Popullit”. Kohët e fundit kjo e përditshme ka sulmuar krerët e PSD-së gjinushi dhe Apostoli. Skënder Gjinushi: “Një pikë e veçantë, jo për rëndësinë, por për moralin politik që ka, janë edhe sulmet që kanë ardhur nga shtypi socialist për të cilat ne kërkojmë distancim institucional të Partisë Socialiste dhe në rast se nuk ka distancim, në rast se mendohet se me presion dhe diversion mund të mbahen koalicionet apo aleatët, atëhere Partia Socialdemokrate do të përgjigjet po njëlloj publikisht dhe do të rishikojë shumë seriozisht qëndrimin me Partinë Socialiste.” Në mbledhjen e Këshillit Kombëtar Partia Socialdemokrate vendosi se do të vazhdojë të jetë pjesë e koalicionit qeverisës për integrim, megjithatë në konferencën për shtyp, menjëherë pas mbledhjes, kryetari Gjinushi bëri të qarta kushtet e bashkëpunimit me Partinë Socialiste. Skënder Gjinushi: “Nuk është koha përtë bërë presion ndaj vetes dhe të tjerëve për zgjedhje të parakohshme, por është momenti që të përgatitemi seriozisht si e majtë për rifitoren e zgjedhjeve të 2005, bazuar në një program të përbashkët: qëndrime të përbashkëta dhe taktika të rakorduara mirë. Nuk është koha për të inskenuar se si lëshohet pushteti, por për të përcaktuar qartë se si të përmirësohet qeverisja në përbërje dhe në përmbajtje dhe si të rifitohet mazhoranca në vitin 2005.” /tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/