جروح محرم | سيد طاهر المكي (التراث الاحسائي) - استقبال محرم ١٤٤٨هـ

[ جروح محرم ] - تراث اهالي المحمرة (الحساوي) أداء الملا - سيد طاهر المكي كلمات الشاعر - أيمن الموسى مكساج - مصطفى الحمد مخطوطة - ولاية علي مونتاج - سيد منيرالياسين إنتاج - موكب عزيزة الحسين (ع) كلمات القصيدة:- (جينا ننشد كربلا مضيعينها) وزينب اعلى الصار الله يعينها ••• (جينا ننشد) وشكثر عدنا اسئله صدگ صاب حسين سهمه حرمله وصدگ بنعاله الشمر صدره اعتله ولا تگولي جثته امسلبينها.؟ ••• (جينا ننشد) والحچي هواي ويطول شلون صدر حسين من سحگ الخيول؟ صدگ ظلت فوگه اتصول وتجول وبالحديد اخيولها امنعلينها ••• (جينا ننشد) عن ابو فاضل بعد لا تگولي صوبو راسه ابعمد.؟! وظل على الغبره رميه وما گعد وعينه بسهام العده مصوبينها ••• (جينا ننشد) عن زفاف ابن الحسن صدگ حنّه العرس من دمه انعجن وامه وي عمته ابدمعهن هلهلن يبني چفك بالدمه محنينها ••• (جينا ننشد) عن الاكبر من وقع شحال امه والگلب منها انصدع شلون نظرت له النحر منه انگطع (نبي) وبالطف جثته امگطعينها ••• (جينا ننشد) عالرباب وعالجرى وعالرضيع اللي دمه نحره جرى والسهم وشلون صوب منحره وللسما لجله تعالى اونينها ••• (جينا ننشد) صدگ حرگوها الخيم.؟ والاطفال تراكضن ويّه الحرم وبالجمر يا ويلي مچويه الجدم وبغضاً بحيدر علي امحرگينها ••• (جينا ننشد) چيف صلت عالتراب والظَهر محني بكثر عظم المصاب وصار ماي الشرب عدهم كالسراب امن العطش والضمى جفت عينها ••• (جينا ننشد) بعد توديع الولي حين صاحت (خويه يا باگي هلي) برحلتي (منهو يعدل محملي) لشام غربه باچر امودينها ••• (جينا ننشد) صدگ ركبت عالهزيل لا صدگ محملها كل ساعه يميل..!؟ ومن يعدله من بعد عين الكفيل وسفه بسياط العدا امأذينها ••• (جينا ننشد) وين زينب رايحَه وين نصبت على اخوها الفاتحَه والحبال بچفها كلش جارحَه اودِمه چفها تسيل ومورمينها ••• (جينا ننشد) عن احوال الباليسر وماكو عدها اخيام وبيهن تستقر اشلون چان ايحاچي الحره زجر وماكو رحمه بس اذى مضوگينها ••• (جينا ننشد) چيف طبت عد يزيد حچت والدنيا صفت ترعد رعيد السمع خطبتها ظن يوم الوعيد ساعه بس وحگوگها امرجعينها ••• (جينا ننشد) عن رجوع القافله شلون ردّتها اويّه روس العايله وبگلبها هموم للطف شايله ومنظر الاجساد ما ناسينها ••• #أيمن_علي_الموسى