İrəvan naxələfliyindən geri durmur | Sülh danışıqlarının arxasındakı plan - HƏRBİ XRONİKA

İrəvan naxələfliyindən geri durmur | Sülh danışıqlarının arxasındakı plan - HƏRBİ XRONİKA “Hərbi xronika” rubrikasının budəfəki buraxılışında Vaşinqtonda keçirilən Sülh Şurasının ilk iclası fonunda regionda hərbi-siyasi vəziyyət və silahlanma istiqamətində atılan addımlar diqqətə çatdırılıb. Bildirilib ki, ABŞ rəhbərliyinin sülh prosesinə verdiyi önəmə baxmayaraq, regionda hərbi hazırlıq paralel şəkildə davam edir. Qeyd olunub ki, Ermənistan beynəlxalq platformalarda sülh mesajları versə də, son illərdə silahlanmanı sürətləndirir, yerli hərbi sənayeni inkişaf etdirir və hücum xarakterli sistemlərin istehsalına yönəlir. Xüsusilə İsrailin “Harop” dronunun modelinə əsaslanan “Dragonfly-3” pilotsuz döyüş vasitəsinin hazırlanması bu istiqamətdə diqqətçəkən nümunə kimi göstərilir. Buraxılışda bildirilib ki, hücum tipli pilotsuz sistemlərin istehsalı ilə məşğul olan “Davaro Defense Systems” şirkəti İkinci Qarabağ müharibəsindən sonra fəaliyyətini genişləndirib və beynəlxalq bazara çıxmağı hədəfləyir. Vurğulanıb ki, regiondakı hərbi dinamika fonunda Azərbaycan da silahlı qüvvələrin modernləşdirilməsini davam etdirir. Müdafiə büdcəsinin artırılması, struktur islahatları və yeni silah sistemlərinin alınması bu strategiyanın əsas istiqamətləridir. Son məlumatlara görə, Pakistan istehsalı “JF-17 C” (Block III) qırıcılarından sonra Azərbaycanın İsveç istehsalı “Saab JAS-39 Gripen” təyyarələrinin alınması imkanlarını da nəzərdən keçirdiyi bildirilir. Rəsmi təsdiq olmasa da, mümkün satınalmanın hava qüvvələrinin döyüş qabiliyyətini artıracağı qeyd olunur. Sonda vurğulanıb ki, sülh təşəbbüsləri ilə yanaşı, hərbi potensialın gücləndirilməsi regionda təhlükəsizlik balansının hələ də həssas olduğunu göstərir. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv ❂❂❂❂❂ 2026 © All Rights Reserved ℗ "Baku TV" LLC ™ #bakutv #bakutvxəbər baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan