Badhal chadeu(रौपी )एतिहासिक वीर गांथा स्वर मोहन सिंह चौहान संगीत प्रभु नेगी

ऐतिहासिक रौपी गांथा Presented by Swar Samrat Music _____________________________________________ Singer - Mohan Singh Chauhan Music - Prabhu Negi Lyrics- Traditional Editing - Kamta Special Thanks : समस्त ग्रामवासियों बढाल _____________________________________________ _____________________________________________ Related Tags : - #mohansinghchauhannew Old song ______________________________________________ New Album ROPY Raupi Super Hit Song 2026 Pahari New Song Mohan Singh Chauhan Lyrics :1एक जोट आदमी पोरु बढ़ाल खी जाअ थुण‌‌डी रै मंगतू तेस ओरू बदाअ 2 सौवी सेरी बढाल तेरी अनीला कोदा थुणडी था भगतू राजे देऊरे खी बोदा 3 एक जोटे आदमे कठैसु खी जाए सौमरो रै रतणौ तेस औरू बदाए 4 सौमरो रा रतणौ गोआ देऊरे खी जाए सुनै रे मुरौ दिणे नजरो पाए 5 टिरौ जाणी पणेसरी री बादले छाए खाटे खुदे बढालिए तेइए खुंमबले पाए 6 छौंऊ धिशौ लो देऊरो बरसेणटे रे धारौ चिटें धिशौ ले छापरे ऊटे बौबे रे बढालौ 6 थुणडी रा गोआ भगतू पोरु देऊठी खी जाए पीठी फिरीअ राजै दे तैणै नजरो लाए 7 तेरी बारौ रौतणा लोगा जाणे छाडी मोए लाटे थुथरै ठाकरौ दी छिड़ पाई तौए 8 देऊरै भियालौ था तौए मुखी बोला लाटा सेजी मौए जिदौ रा तेरा बौदिया काटा 9 ढौले गोआ मोणीये फिरी घौरौ खी आए दानु पुछौ गुरसा शादौ गौडौ रै दाए 10 भुशौ हेरडी रौपीए लाए बियालै चार झौणे चांजटै चालै पुजदे कयालै 11 ऐरे दादिये रोपीये भूश जाअ खोटे राते पाकडु भैणीय साऊडे तौरौ रे तरौटे 12 जेजा पाकडौ भेणीय साऊडै तौरौ रे तरोटु दुई बाई खी धागले देऊ कानौ खी दरोटु 13 ऐजे झौरे बौबिया लोगा का पोडै ताअ धैईण मणढोलू रे बोदुए थे हाअ 14 मोए दुरौ परैनडा थिया चांजटा चबीला लाम्बी लाम्बी गुजटी मांज मुहटु था तिला15 तौरौ गाए साऊडै रै मारी मारे जाओ बोरी दो डांगरौ कोए ओरका ने लाऔ 16 घोरै बोबै मातै रे गुण मुणी गुणी सुगडे ओ बागडै तेईये मौरू दी शुणी 17 बापै पुचे टांडवे खोए दौरीया ओ धैना खजु टांडवा होछुरा मेरा आगीरा घैना 18 कौणे लाए मेरीयो मेरे खजु रै औडे हिज थिया मणंढोली खी आए रौआ खौडे 19 जेजा लाअला मेरीय मेरे खजु रो नाऔ तेसरी सघाडी दो हाअ लाऊ ले दाऔ 20 दौरीये रे रौपे रोथटु रा पेड़ा खजु बिण सौरीये चालदा नै हेड़ा 21कोटे छाडीय शिगणौ मुखी हाईशा तिरा तू नाई था माअता तेरा भाए थिया पिरा 22 ची लायडे गांअ दे रोपीए मांगौ पाथा पाथा चिऊडे रा सेर सेर भांगौ 23 घैनौ लागी जुबडौ दी नाचणै री धीय जिवे जागे रौपे चांई दोरीये रे दीय 24 तौंग दे रतणा लोगा घेरे देए फेरे जौबै काटै तू तिंदरे झौणै बोंदे दुऊ तेरे 25 तौरौ गाए साऊडै रै तरैर किए उजे तू चाला पुजदा मेरीया हांअ आशा पजे 26 तौरौ गाअ साऊडे रे फाल देणे ऊटे ढाल डागरो नौईए खाऔ खजु गोआ छुटे 27 जाणी देंदा खजुआ मोड़ा मोडौ रे मडाए डाल डागरौ नौईये खाओ हाथ गै शलाए 28 नौए टपडै खजुऐ मोडै माखटी रे भेशे पारे लागुला भागीय देअ बनाडसी रै देशै 29 नौई टपीय खजुए देणौ आपणौ नाअ भेडी काटी मेरीय बडाला छुटा हाअ 30 छुटा गणना खजुआ मोडा पजैरली जाअ ठाणे कोटी रे आंतरै लोगा कौरदा ने हांअ 31आगौ खजु हाणडला पाछौ दानु देअ धिरे भौड बोदिये था हौछुरा मेरीया छऊडा जा फिरे 32 जौबै होंदा था ओरी फेरका जेआ खजु ढाल होंदो जौ डागरौ एजै छोरू नै बौदु 33 पीठी पाछौ दानुवे तैणे खाबरे गाडै हाक मेरीया बोबे खी ताअ देऊ छाडे 34 बौबे खी नै हाकदा जेठे ठाकरे सौ मेरे ऐजे आकचे दानुवा मोड़ा शुणदा नै तेरे 35 बौबे खी नै हाकदा जुठै पिणटु रा धाचा बोईरौ रो डांगरो मुखे आरनो रा पाचा 36 ठाणै कोटी री सेरीदे पाचौ घिघटुवे चीणे रीए तेईये ठणाईकै मेरे डैंच भी ने दिणे 37 दौरीऐ रे रौपे होंदे चाजटै रा काजे तौरौ गाए साऊडै खी रौए थे भाजे 38 राईकै दु टेले लाए शुणवे सरोटौ कुण तारै थे साऊडै खी लाए देणे गोटौ 39 बौबा पुजा माता सै हाणडे भी नै बौला बेगे हेरी उल्टी पुचे भौरी भौरा खौला 40 बौरीया रतणा मौतें पुछुला ताअ पोरू डेऊ काटदा तिंदा ओरू काटी हाअ 41 बोरीये रोतणे मोते गाठी दू डे फोए हनोली डेवेला बौबीया तौए हनोल छाडे खोए 42 हाथे किए ढिगटे कानै घडुवा लेवा बढालौ रा छिटका बोठे महासु खे डेवा 43 बोठै राजीया महासुवा ऐबै किदा जाऊ बढाल धिशैगे शुनीए मेरेे तिदा राओ जाऊ 45 हनोली डेविय बौबीया लोगा लागे गोआ रुदा छबीशी रा खशीया हाअ उबेखी नै होदा 46 बोठा ओतरौ महासु बोलौ खोए भी नै छेऊ ठाणे काटै तोए भरमे मेरे काणडे रे नाण चेऊ 47 ईए रूऐ थे भरमे मेरे मांसुवा बापा काली मेरी ला पौली दा लोउवौरा छापा 48 ठाणे काटे तोए भरमे मेरे रोइयो नै लारे राशी लुटी बाकरे री कापडौ रै भारे 49 बोले बोठीया महासुआ उपरे बोले आणे छाडो सनागणौ ताखी छिणीये छोले 50 बोठा ओतरौ महासु बोलौ का बोलू हांअ तेरी कोठी दे मुरौ शुणे चेरा शाए नाअ 51 खोई काटीय बोबीया बोठा पीपल री छाईं भरो पूरो महासुआ रौतणो री ताई 52 रौतणो ने देनदा मेंरे कथरी रा वीणा हनोल लागे थे चिणने तौण थोउडा दिणा 54 रौतणो नै देनदा बारी बीशौ रा बजीरौ दानु देऊ ला गुरसे दुई भौडो रे शीरौ 55 जेतिए बोबीया तू घरौ खी नै पुजे दानु देउला गुरसे दुई आगुवै ओ दुजै 56 चाल भाईया गुरसीया गोठौ रै गठालौ तेओ लाऊले लिमबरो जैअ धिशौ ले बढालौ 57 टिरौ फुटे पणेसरी री बाकटु ओ झाडे लागै नाई दानुवा मोडौ रौथटु रै धानधे 58 हिज रुअ थे सौरे बुढै आज रुअ थुले टिरो लाई टिकरी री रौथटुवै छुलै 59 नेडवे गे ओबले एवै नेडवे गा कालौ साखो खादे भैसुवे मेरे लाउरे नालौ 60 तोए भेजी थी माछली मेरीयाँ से गोई गोरे राती भेजु छतरी ताखी बुकचै दी कौरै 61 जुगौ गाए बामीय ले कांचले राणे मेरे धाचिय जोगडू बढ़ाल देईय चाणे भोलो रुऔ लो जोगडू कौरौ हाथौ दा डाबा किंदे डेवै नानीए मेरे ईजे ओ बाबा 62 केई देनै रौंदौ खुंदौ खशीए रे बोले मोडे आगु रुअले बादे गांवीए रे टोले End I hope you enjoy the video. Like👍 , Share and comment 💬. Do not forget to subscribe🔔 THANK YOU