देह पांडुरंग झाला... कवी बलराज संघई

देह पांडुरंग झाला... चरण देखिता तुझे विठ्ठला अहंकार गेला अवघा देह पांडुरंग झाला..।।धृ।। वारकरी मी टाळकरी मी वारीस आलो सेवेकरी मी तुझ्या भक्तीने पायरवांचा नाद मृदंग झाला.. ।।१।। नामस्मरणे वाट चालली तुझ्या भेटीची आस लागली विठ्ठल विठ्ठल भजनी रमता स्वर पावन झाला.. ।।२।। रूप साजिरी पंढरी नगरी अवतरला जणु स्वर्ग भूवरी दर्शन होता कळस पताका श्र्वास अभंग झाला..।।३।। सावळे सुंदर रूप देखिले सर्व सुख ते पदरी आले डोळे भरुनी साठवला हरी जन्म सफल झाला..।।४।। © बलराज संघई