Nyeniteka SINZOHAGERA yaratekereye impanuro abakristo b’Ishengero rya Méthodiste Unie Kayero

Izo ni imvyino zo gutazira Imana zaranze amasengesho yo ku munsi w’Imana igenekerezo ry’07 Myandagaro uno mwaka, mw’Ishengero rya Méthodiste Unie ryo mu bubwiriza bwa Kayero, mu ntara ya Rutana, aho Nyeniteka Emmanuel SINZOHAGERA arongoye Inama Nkenguzamateka yari yifadikanije n’abakristo baho. Mw’ijambo yashikiriye abakristo bari bitavye ayo masengesho, Nyeniteka SINZOHAGERA yarashimiye Reta y’Uburundi yongera ayitera intege ku kugene ataco idakora kugirango ibandanye ikemura ibibazo bihanze igihugu, bivuye cane cane ku ntambara iri hagati ya Ukraine n’Uburusiya, kugirango abarundi boroherwe. Ntiyibagiye guhamagarira abakristo kubandanya bikingira ikiza ca Corona virus.