જશોદાજી તારો કાનુડો રે (ભજન નીચે લખેલું છે.) | બાળ કૃષ્ણની મીઠી લીલા | Krishna Bhajan 🙏💙🧈🦚

🙏 "જશોદાજી તારો કાનુડો રે, મોટો માખણ ચોર છે" બાળ કૃષ્ણની મનમોહક મખણચોરી લીલાનું સુંદર ગુજરાતી ભજન છે. આ ભજનમાં ગોપીઓની ફરિયાદ, જશોદામાતાનો પ્રેમ અને કાનુડાની નિર્દોષ બાળલીલાનું રમુજી વર્ણન કરવામાં આવ્યું છે. ભક્તિ અને આનંદથી ભરેલું આ ભજન દરેક કૃષ્ણભક્તના હૃદયને સ્પર્શી જાય છે. ભજન ========================== જશોદાજી તારો કાનુડો રે... મોટો માખણ ચોર છે! મારે સાબિત કરી દેવું... કાનુડો રે માખણ ચોર છે ! આજે ગોપીએ ઘાટ ઘડ્યો એના મનમાં, કાળિયો આવે આજ લઉં એને લાગમાં. એ...નેતરેથી બાંધું ને દેખાડું... કાનુડો રે માખણ ચોર છે ! કાનુડો આવ્યો ને ગોપીએ ફસાવ્યો, આજે તો લાલ ભારે રંગમાં જ જામ્યો. એ...કોઈથી ન બંધાય તે બંધાણો... કાનુડો રે માખણ ચોર છે ! હૈયે હરખ ને આનંદ અપાર છે, માતા જશોદાજી, ચોર તો હાજર છે. એ...રોજ કે'તા જૂઠી ને ધુતારી, કાનુડો રે માખણ ચોર છે ! અલી ઓ ગોપી તું તો ઘેલું શું બકે છે, સાન ભાન ભૂલી કે ભાંગ તે પીધેલ છે. એ...જોઈ લે બાળ તારો કે મારો, કાનુડો રે માખણ ચોર છે ! ભોંઠી પડીને ગોપી ભાગતી ભુવનથી, સામે આવીને ઊભા નંદના કુંવરજી. એ...જશોદાને શું તું કહી આવી, કાનુડો રે માખણ ચોર છે ! ભાવ કરી તેડ્યા ને ઉરમાં સમાવ્યા, માખણ મેલીને વહાલા ચિત્ત મારા ચોર્યા. એ...જશોદાનો, છેલ છબીલો, કાનુડો રે... માખણ ચોર છે ! 💙 જય શ્રી કૃષ્ણ 🦚 રાધે રાધે 🔔 અમારી YouTube ચેનલને Like, Share અને Subscribe કરજો. #sasuvahunabhajan #જશોદાજીતારોકાનુડો #માખણચોર #બાળકૃષ્ણ #કાનુડો #કૃષ્ણભજન #શ્રીકૃષ્ણ #જશોદામાતા #વ્રજલીલા #ગુજરાતીભજન #ભક્તિગીત #MakhanChor #BalKrishna #Kanudo #KrishnaBhajan #ShreeKrishna #YashodaMaiya #VrajLeela #GujaratiBhajan #BhaktiSong #DevotionalSong