مرثية في الشيخ مشبب بن مسفر بن فرحان ال حمري يرحمه الله |كلمات عوض بن محمد بن حمري | اداء فالح الطوق

مرثية في الشيخ مشبب بن مسفر بن فرحان ال حمري الحبابي رحمه الله كلمات عوض محمد بن حمري اداء فالح الطوق فيديو نهل يابو فهد لا تكتم العبرات ما هو يلام اللي فقد غالي احزتني و ابكيتني بالذات يا لين دمعي هل طوالي . اموات لو نبكي على الاموات مدري من الاول من التالي . تشكي علي وتقول خالي مات و خالك مشبب يا سعد خالي . يا كم فقدنا من هل الصولات لكن هذا الفقد قتالي . من فقد خالي راعي الجودات بآبطي وانا ما نيب متشالي . خلوني أبكي راعي المدات ريف اليتامى مزبن الجالي . منصا بني عمه على الشدات إلا ذراهم فـ اشهب اللالي . وان عمست الارياء وهاك وهات ياقف لها ناقض و فتالي . يقلط عليها صامل الهدات شيخ ينومسنا بالافعالي . وان راحت وجيه الرجال شتات ياما جمعهم طيب الفالي . يرفى الرفيق ويلطم الشمات من كبر فقده يا بري حالي . كم ساق ماله حزة الضيقات وكم قال انا للحمل شيالي . من فضل ربي قاضي الحاجات اوسع عليه المال و الحالي . يا ما تدّبر محكم الايات واسس مدارسها للاجيالي . وانفق عليها والفعول اثبات وجعل لها وقف من المالي . افنى حياته كلها طاعات صوم وصلاة وبر وافضالي . يبكونه اللي عانوا الحسرات واللي يقولون الدهر مالي . يا ربعي اللي تنطح القالات دعوى ال حمري لا احتمى الصالي . معاوضين بخير فاللي فات في شيخنا محمود الافعالي . خالي مشبب راع الفزعات عزي لكم بعده و عزالي . من مثل ابن فرحان للطالات في مقدم الدنيا وفي التالي . من مات بعده ماني بشمات لا ناشدٍ عنه ولا اسالي . ننعى ونطلب غافر الزلات رب الملا علّام الاجالي . يحسن عزانا جابر العثرات في فقد شيخ منزله عالي . عساه في خضر الجنان يبات و ينعم بها في كل الاحوالي . ما مات من خلف هل الطالات عياله الوافين الابطالي . نوادر ن لفعولهم بصمات وقفاتهم مضرب للأمثالي . هم درعنا من جاير الصكات وهم ذخرنا في شيخنا الغالي عوض بن حمري