الاخطاء الشائعة في مذاكرة الكتابة

الكتابة هي اكثر مهارة نعاني فيها بسبب ضعف كتابتنا.. ودحين راح اوضح ليك ايش السبب والحل لهذي المشكلة 👇🏻😌 ❇️ السبب الوهمي: معظمكم يحسب انه عشان تبدع في الكتابة وتطور مهاراتك لازم يكون عندك مصحح يشوف اخطائك بالتفصيل لكن الواقع مختلف.. لانه انت اصلا اذا بديت تكتب حتكون عارف اخطائك بنسبة ٨٠٪؜.. يكون عندك احساس داخلي انه هذا السبلنغ غلط او هذي القاعدة مكركبة 😬 بمعنى اخر انت مو حتحفظ السبلنغ وبعدين تكتب.. الصح انه تبدأ تكتب وتتعلم من اخطائك في نفس الوقت قبل ٥٠ سنة كان هذا الكلام صعب.. لكن دحين النت عندك ويمديك تعرف اخطائك وتبحث ايش الصح ما يحتاج توقف كل مذاكرتك عشان ما عندك مصحح 💔 ❇️ السبب الحقيقي: سبب ضعف كتابتك انه انت ما بديت تكتب اصلاً.. حاب اسئلك هل كتبت اكثر من صفحتين بالانجلش بشكل متواصل؟! للاسف معظمنا يسحب على التدرب على مهارة الكتابة.. وعشان يمديك تجيب درجة قوية في الايلتس لازم تتعود تكتب ٤ صفحات في خلال ساعة واحدة 🤐 ❇️ الحل: حل هذي المشكلة جداً بسيط.. كل اللي تحتاج تسويه تجلس تكتب يومياً ١٠ دقائق بشكل متواصل بدون ما توقف القلم واوعدك حتلاقي تطور رهيب.. شوفت ناس قدام عيوني في ورش العمل بدأو بكتابة سطرين فقط في خلال ال ١٠ دقايق.. ومع الاستمرار في الكتابة يوميا لمدة ١٠ ايام فقط زاد معدل الكتابة الى صفحة كاملة في ال ١٠ دقائق 😱 لو سمحت لا تأجل وتسحب على الموضوع.. ابدأ انتظم في الكتابة لمدة ١٠ دقائق فقط في يومك وارسلي في الخاص انك سويتها 💛 - انا عبدالرحمن حجازي تجربتي كانت طويلة وصعبة، بدأت من مستوى مبتدئ في اللغة الانجليزية من درجة ٣ ووصلت لدرجة ٨ في اختبار الايلتس. وحطيت هدف انه راح اخدم ١٠ ملايين شخص خلال تجربتي.. - حساباتي (دروس ونصائح مهمة): تويتر: @dalilk4ielts   / dalilk4ielts   سنابشات: dalilkme   / dalilkme   انستغرام: dalilkme   / dalilkme