రామయ్య గాధలు ఎన్ని విన్న చాలవు

రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు శ్రమణ యన్న పేరుతోడ పుట్టింది శబరి, ఆమె పెండ్లి కొరకు తండ్రి విందునివ్వ తలచి, జంతుబలులనివ్వ బూనే చుట్టాలనంత పిలిచి, వద్దు నాయన వద్దనే శబరి దీనముగా బతిమాలి రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు కన్నవారి మనసు మారదని నిశ్చయముగా తెలిసి, అర్ధరాత్రి వేళ ఇల్లు వదిలిసాగె ఒంటరిగా నడచి పంపా తీరాన మాతంగ ఆశ్రమాన్ని చేరి ఆ మునుల సేవజేసే ముళ్ళు రాళ్లు ఏరి రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు మాతంగ ముని చేరదీసి తన బిడ్డగ పెంచే రామనామ తీపిదెలిపె ఆయమ్మ మదిని నిలిపే నీకొరకు రాముడొచ్చు ఈ అడవులల్ల వెతికి పలికె గురుదేవుడు శబరిమ్మ తలను నిమిరి రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు గురువు చెప్పిన మాట గుండె నిండ దాచి తారక మంత్రాన్నే తన శ్వాసగా మార్చి యవ్వనమంత కరిగి ముసలితనము వచ్చే గంపెడంత ఆశతోడి ఆయ్య కొరకు ఎదురుజూసే రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు మసకేసిన కనులల్ల రోజు ఆశ నింపే తడబడ్డ అడుగులేసి అడవిదారులల్ల నడిచే రాముడెప్పుడొచ్చునోయని పండ్లన్నీ ఏరితెచ్చే ఇంటిముందు ముగ్గులేసి రోజులెన్నోఎదురుజూసే రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు అదిగదిగో వచ్చే రాముడు శబరమ్మ భక్తినెరిగి చేదుండవద్దని పండ్లన్నికొరికి ఇచ్చే శబరి అమృతముగా ఆ ఎంగిలి పండ్లన్నీ ఆరగించే ధన్యమాయె శబరి జన్మ పుడమెల్ల పూజించే రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు ఆడంబరాలుకావు ప్రేమేమార్గమని చెప్పే భక్తితో ఏమిచ్చినా అదే అమృతమని చెప్పే శబరీ జన్మధన్యమయ్యె రామయ్య కరుణించే ఆ దేవదేవుడే భక్తి ముందు లొంగిపోయే రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు రామయ్య గాధలు ఎన్ని విన్న చాలవు ఆ నామ మహిమలు ఎన్నటికీ తీరవు