ILUSTRAMUNDOS - ELENA ODRIOZOLA

"ilustraMundos" é un microespazo de television que ofrece un percorrido pola obra de once ilustradores procedentes de distintas culturas do mundo. É tamén o nome da exposición que recolle unha selección das súas obras e que pode ser visitada ata finais de maio no Pazo de Fonseca, en Santiago de Compostela. A ilustradora vasca Elena Odriozola chegou á ilustración despois duns anos dedicados á publicidade. Desde hai anos ocupa un lugar destacado no libro infantil español, ofrecendo un estilo inconfundible no que a utilización da cor branca ou dos espazos baleiros sempre chama a atención.