Эмгек келишиминин ченемдери

Эмгек келишими кандай ченемдерди камтышы керек? Биринчи кезекте: эмгек келишим тузулгон датасы, тараптардын аты жону, дареги жана башка реквизиттери болушун мыйзам талап кылат. Маанилүү пункттардын бири бул жумуш аткарылууга тийиш болгон жумуш орду жана кызматкердин укуктары менен милдеттерин көрсөтүү. Жумушчунун кабыл алынган кызматы, адистиги же кесиби. Созсуз турдо келишимде анын мөөнөтү, жумуш башталган күн, иштөө режими, эмгек акы төлөө шарттары жана башка компенсациялар көрсөтүлүүгө тийиш. Эмгек келишиминде мыйзамда белгиленгенге салыштырмалуу кызматкердин абалын начарлатпаган шарттар каралышы мүмкүн. Эмгек келишиминин шарттары тараптардын макулдашуусу жана жазуу жүзүндө гана өзгөрүлүшү мүмкүн. Суроо: Эмгек келишимдердин мооноту жонундо баяндап бересизби? Практика корсоткондой, эмгек келишимдери белгисиз мөөнөткө түзүлөт. Бирок, эмгек келишимдери 5 жылдан ашпаган белгилүү бир мөөнөткө түзүлүшү мүмкүн (бул мөөнөттүү эмгек келишими). мөөнөттүү эмгек келишими томонкулор менен тузулушу мумкун: жетекчилер, жетекчилердин орун басарлары жана башкы бухгалтерлер менен; убактылуу жок болгон кызматкерди алмаштырууга; убактылуу (2 айга чейин) мезгилге, ошондой эле мезгилдүү жумушка, эгерде табигый шарттарга байланыштуу жумуш белгилүү бир убакыт мезгилинде (мезгилде) гана аткарылса; аварияларды, катастрофаларды алдын алуу жана алардын кесепеттерин жана башка өзгөчө кырдаалдарды четтетүү боюнча кечиктирилгис иштерди жүргүзүүгө; уюм түзүлгөн күндөн тартып 1 жылдын ичинде 15ке чейин кызматкери бар чакан жана орто бизнес ишканалары, ошондой эле жумуш берүүчүлөр - жеке адамдар менен; чет өлкөгө иштөөгө жиберилген адамдар менен ж.б. Мөөнөттүү эмгек келишимдерин негизсиз түзүүгө тыюу салынат. Мисалы: Айдоочуну тоо-кен компаниясына 3 айлык мөөнөткө жалдаган учур болгон, бирок бул кызмат туруктуу иштөө мүнөзүнө ээ болгон. Соттук териштирүүдөн кийин бул мыйзамсыз деп табылды жана келишим белгисиз мөөнөткө узартылды. Бул чыгарылышты даярдоодо эл аралык жана улуттук мыйзамдардын ченемдери, ЭЭУнун, эл аралык кесиптик бирликтер бирикмелеринин жана башкалардын материалдары жана сунуштамалары пайдаланылды. Чыгарылышты Социалдык-эмгектик мамилелерди изилдөө борбору Кыргыз Республикасындагы Ынтымакташтык борборунун колдоосу менен даярдады.