Guaigui jepe'e - Ñamandu

Autores: Ramón Silva - Marco Prado. "Oúma ro'y, oúma, akâ morotî iñasái. Ko'etî ysapy oheréi ñuruguái. Ouma yvytu pererî. Oipysóma ikyse ohâimbe'e. Omyaña pytu aku. Oipeju po'i. Oipeju. Oipiro jeka. Oikytîva tembe. Oúma katu kuarahy kañy, yrypy'a pyryryi pytukue. Oguerúma guagui jepe'a. Omosarambi tanimbu. Oñohe ñandyry, oipeju, oipeju ha hendy ha opa tatatî hu'u. Oguapýma ipytáre guaigui. Hetyma oñua. Omokô yvytu, ombovu hova. Oipejúko oipejúko oipyso juru puku. Omomýi tata'y. Tata jepeju. Tata piriri oveve. Tapyime kuarahy omokô pytumby. Po ha py hatâmba. Tî pytâ, syry, tyky. Hu'u puku, pa'â, vai, po'i. Tetyma ryrýi, susu, soso, popo, jehýi. Tata opoñy, oguata, oveve. Ára ro'y oguahê. Néike egueru jepe'a. Eipeju toveve tanimbu, topu'â tatasái. Eitykua ka'ay. Egueru apykape. Kojói topupu. Oguapýma guaigui ojepe'e mboriahu pohýi pepo guýpe. Oguapy jepe'e. Mboriahúrô jepe jepe'a jepeve oñandu ro'y. Oguapy. Jaguapy. Tataypy. Jepe'e. Jepe'e"