“Je krijesa më e shpifur”, Nuredin Dumani dëshmon në GJKKO, tensione në gjykatë

Me tensione është shoqëruar seanca gjyqësore për dosjen “Plumbi i Artë” në Gjykatën e Posaçme kundër Korruopsionit dhe Krimit të Organizuar. Gazetari i Klan News, Besar Bajraktari i cili po ndjek nga afër gjyqit, raporton se të akuzuarit e SPAK i janë kundërvënë bashkëpunëtorit të drejtësisë Nuredin Dumani. Nuredin Dumani dëshmoi për grabitjet e kambistëve nga grupi i tyre në Elbasan, Kavajë e Durrës. Sipas Dumanit, ai këto grabitje i bënte së bashku me të shumëkërkuarin Talo Çela, Ilirjan Feçin dhe Gentian Sharrën etj. “Te grabitja në Kavajë, Talo Çela i ra me levë në kokë kambistit. Atij iu thye nofulla, nuk fliste dot. Morëm çantën dhe u larguam, ndamë lekët diku rreth 20 milionë. Në vitin 2012 Ardian Ozunit “cufit”, i shita një snajper. Henrik Hoxha më tregoi për atentatin ndaj Filip Gjeloshit që ishte paguar fillimisht 5 mijë Euro nga Ardian Ozuni”, ka thënë Nuredin Dumani. Deklaratat e tij shkaktuan reagime tek të akuzuarit e tjerë nga SPAK, që ishin të pranishëm në sallën e gjyqit. I akuzuari Petrit Qoli ka thënë se “Nuredin Dumani është krijesa më e shpifur njerëzore që kam njohur në 53 vitet e jetës sime”. Për shkak të tensioneve, seanca u ndërpre për disa minuta. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan