𝐒𝐮𝐦𝐚𝐭 𝐊𝐚𝐩𝐢𝐭𝐨𝐥𝐲𝐨 || 𝐅𝐞𝐛𝐫𝐮𝐚𝐫𝐲 𝟐𝟖, 𝟐𝟎𝟐𝟔

Sa episode ng linggong ito ng Sumat Kapitolyo, aprubado na ang dagdag na benepisyo para sa mga Barangay Health Workers bilang pagkilala sa kanilang mahalagang papel sa paghahatid ng serbisyong pangkalusugan sa komunidad. Samantala, daan-daan naman ang napaglingkuran sa isinagawang Passport on Wheels Program sa Northern Samar, na nagbigay ng mas mabilis at mas maginhawang pagproseso ng pasaporte para sa mga Nortehanon. Binigyang-pugay rin ng Pamahalaang Panlalawigan ang mga kasambahay sa probinsya bilang pagkilala sa kanilang sipag, dedikasyon, at mahalagang ambag sa bawat tahanan. Bukod dito, pormal nang inilunsad ang Northern Samar Credit Surety Fund Cooperative na layong palakasin ang kakayahan ng mga maliliit na negosyante at kooperatiba sa lalawigan sa pamamagitan ng mas madaling pag-access sa pautang. Panoorin ang Sumat Kapitolyo para sa mga pangunahing balita ng ating lalawigan.