NUG ဟာ အနောက်အုပ်စုလူလား - ဒေါက်တာဆာဆာနဲ့ ဘီဘီစီ သီးသန့်မေးမြန်းခန်း-

NUG ဟာ အနောက်အုပ်စုလူလား၊ တရုတ်နဲ့ ဆက်ဆံရေး ဘယ်လိုရှိလဲ - ဒေါက်တာဆာဆာနဲ့ ဘီဘီစီ သီးသန့်မေးမြန်းခန်း အမျိုးသားညီညွတ်ရေး အစိုးရ NUG ရဲ့ အပြည်ပြည်ဆိုင်ရာ ပူးပေါင်းဆောင်ရွက်ရေး ပြည်ထောင်စု ဝန်ကြီး ဒေါက်တာဆာဆာဟာ အခု သီတင်းပတ်တွေ အတွင်း ဥရောပ တလွှား လွန်းထိုး သွားလာနေပြီး၊ နိုင်ငံအသီးသီးရဲ့ နိုင်ငံခြားရေးဌာနက တာဝန်ရှိသူတွေ ... ဥရောပ သမဂ္ဂ အီးယူ အဖွဲ့က တာဝန်ရှိသူတွေနဲ့ တွေ့ဆုံနေပါတယ်။ ဥရောပနိုင်ငံတချို့မှာရော၊ အီးယူအဖွဲ့မှာပါ ရွေးကောက်ပွဲတွေ ကျင်းပနေခဲ့တဲ့နှစ် ဖြစ်တာကြောင့် အစိုးရသစ်၊ စီမံခန့်ခွဲမှု ပုံစံသစ်တွေနဲ့ နိုင်ငံခြားရေး မူတွေပါ အသစ် ချမှတ် လာတော့မယ့် အချိန်ဖြစ်တာကြောင့် မြန်မာ့အရေးကို ဦးစားပေး ထည့်သွင်းစဥ်းစားနိုင်အောင် အခုလို တွေ့ဆုံနေတာ ဖြစ်တယ်လို့ လန်ဒန်မြို့ ဘီဘီစီ ရုံးချုပ်မှာ လူကိုယ်တိုင် ရှိနေခဲ့တဲ့ ဝန်ကြီး ဒေါက်တာဆာဆာက ပြောပါတယ်။ ယူကေ၊ ပြင်သစ်၊ ဂျာမနီ၊ ဘယ်လ်ဂျီယမ်နဲ့ ဆွစ်ဇာလန် စတဲ့ ဥရောပ ထိပ်သီးနိုင်ငံတွေနဲ့ အီးယူအဖွဲ့ကို ဒေါက်တာဆာဆာ ဘာတွေ ပြောကြားခဲ့လဲ ... သူတို့ဘက်က ဘယ်လို သဘောထားတွေ ရှိကြလဲ .... NUG အနေနဲ့ အနောက်အုပ်စု နိုင်ငံတွေနဲ့ကြားမှာပဲ ဆက်ဆံရေး တည်ဆောက် ထားတာလား ... တရုတ်နဲ့ရော ဆက်ဆံရေး အခြေအနေ ဘယ်လိုရှိလဲ .... အမေရိကန်လူ ... အနောက်အုပ်စုလူ အဖြစ် NUG အပေါ် တရုတ်အစိုးရက မြင်နေတဲ့ အတွက် ဘေဂျင်းဘက်က NUG အပေါ် ဟက်ဟက်ပက်ပက် မရှိလှဘူးဆိုတဲ့ သုံးသပ်ချက်တွေ ဘယ်လောက်မှန်ကန်နိုင်လဲ ... စတဲ့ စိတ်ဝင်စားဖွယ် အကြောင်းအရာတွေကို ဒေါက်တာဆာဆာက ဘီဘီစီမြန်မာပိုင်းနဲ့ သီးသန့်မေးမြန်းခန်းမှာ တုန့်ပြန်ဖြေဆိုထားပါတယ်။ ဘီဘီစီသတင်းထောက် ကိုဝေဖြိုး စီစဥ်တင်ဆက်ထားတာကို သြဂုတ်လ ၃ ရက်၊ စနေည မြန်မာစံတော်ချိန် ည ၈ နာရီ အချိန် ဘီဘီစီမြန်မာပိုင်းရဲ့ ဖေ့စ်ဘုတ် စာမျက်နှာနဲ့ ည ၈နာရီခွဲ အချိန် ဘီဘီစီမြန်မာပိုင်းရဲ့ ယူကျုချန်နယ်တို့ကနေ ထုတ်လွှင့်သွားမှာမို့ စောင့်မျှော် ကြည့်ရှုနိုင်ကြပါတယ်။ #ဘီဘီစီမြန်မာပိုင်း #သတင်းမြင်ကွင်း