Ինչպես են Եղիայի մեղուները բնական միջավայրում, բնական տեսքով մեղրահաց հյուսում

#REGIONSTV Լրահոսին կարող եք հետեւել կայքէջում 👉https://regionstv.am/ Նաեւ Տելեգրամի մեր ալիքում 👉 https://t.me/regions_tv_info Մեղվապահ Եղիա Սարգսյանը բնակվում է Վայոց Ձորի մարզի Հորբատեղ գյուղում: Կնոջ և որդու հետ զարգացնում են իրենց տնտեսությունը: Եղիան երիտասարդ տարիքից զբաղվել է մեղվաբուծությամբ, և այսօր այն հասցրել է նոր մակարդակի՝ մեղուներին տեղափոխելով բնական միջավայր: Աշխատասեր այս ընտանիքի անդամները նաև տարբեր ընտանի կենդանիներ են պահում, այգին են մշակում, ամեն օր իրենց թխած թարմ հացն են ճաշակում, սնվում մաքուր բնամթերքով: Եղիան աշխատել է գյուղապետարանում, նաև դպրոցում՝ որպես տնտեսվար: Սակայն ժամանակի ընթացքում հասկացել է, որ ամենաշատն իրեն գրավում է ժրաջան մեղուների հետ աշխատանքը: Խոսում է իր նախնիների՝ Խոյի բարբառով: Պատմում է՝ ինչպես է իր մոտ միտք առաջացել առանց մարդկային միջամտության բնական միջավայրում ստեղծված մեղր ստանալ: Ձագատենդով բռնկված ընտանիքը, որը կծիկ է կազմել և կախվել իր այգու ծառի ճյուղից, իջեցրել և տեղավորել է ծառաբնի մեջ: Մի քանի օր անց մեղուներն արդեն սկսել են բնական տեսքով մեղրահաց հյուսել: Եղիան որոշել է կատարելագործել և բազմացնել ծառաբների մեջ մաքրամաքուր պաշար հավաքող մեղվաընտանիքները: